أصبــحت خادمة طليــقي الجزء الثاني

عطاتني طاسة و ديك الطواليط مفيهاش الضو مي حكيمة: يخ البولة تحركات تايجي جيلالي و نسخرو يجيب ليا وحدة نتي دوشي دبا نمشي نجيب ليك الفوطة و اري داك الكاب نشدو عليك...عطيتو ليها و خرجات بقيت انا كنشوف في حالتي و ديك جلابة كيف مقطعة بوحشية و العالم الله كون مجاوش هادو كون اش دارو فيا بديت كنحيد فيها اصلا هي لي كانت عندي و كنت لبسة من لتحت واحد البيجاما نص كم بالكالسو ديالها بديت كنكب عليا الما شحال توحشت ندوش جايا تلتسينين معمتش بقيت كنكوب عليا الما و كنتفكر لي داز عليا و كنبكي شحال كنت كنعس في زنقة و بعد الخطرات في المحطات و كانو كيجريو عليا كنت كنسعا باش ناكل كنت كندابز مع القطط على شياطا ديال الماكلة لي كيلوحها الناس في الزبل حاولت نخدم في واحد الباتيسري عطاوني نغسل الماعن و انا مكنعرف ندير والو و جراو عليا شحال من مرة كنت غنتعرض الاغتصاب و الحمدالله ربي كيسيفط ليا شي واحد يعتقني ولا كنهرب كندابز مع دوك المشردين على البلايص ديال النعاس شحال من مرة كنبقى بلا ماكلة يومين الحويج غير كيصدقوهم علينا المحسينين ....شوية تقادا ليا الما لي في سطل و هي دق عليا مي حكيمة :سليتي ابنيتي؟وهاكي الفوطة...حليت الباب بشوية و مديت ليها يدي و عطاتني بنوار عريض و طويل لبستو وليت مخشية فيه و درت القب على راسي و خرجت لقيت مي حكيمة جلسة كتكب اتاي في الكيسان مي حكيمة:اجي ابنيتي تاكلي عاد لبسي ديك البيجامة و داك سروال راه جبتهم ليك ...مشيت جلست حداها حطات ليا شي نص دجاجا و اللحم في طبسيل واحد و الخبز و كاس تاع اتاي طحت فيهم عامية كناكل و كنتبنن حتى وحلت ليا وجابت ليا مي حكيمة كاس ديال الما مي حكيمة:ابشوية عليك ابنيتي راه الماكلة مغتهربش منك اجي قولي ليا فين ساكنة نديك لداركم كون راه مشطونين عليك انا كنهدر بشوية حانية راسي: مممعنديش مي حكيمة: كيفاش معندكش ابنيتي انا: ممات ليا بابا من هادي 3 سنين و معندي فين نمشي و لا فين نسكن مي حكيمة: اح اح على بنيتي و شحال في عمرك انا: 25 عام مي حكيمة: واراك باقا صغيرة تبركلاه و زوينة حروفك كحلين عينيك مشفرين شفر يضرب شفر و طايتك تبركالله مهليا فيها كلك ماشاء الله زوينة و كانو غيتكرفسو عليك دوك شماكرية ياك باقا عزبة ياك انا: لا امي حكيمة راني مطلقة مي حكيمة: ااح حيانيي هو سبابك باينا توصلك لهاد الحالة انا لي عارفاهم بلامتسوليني عليهم انا شحال خدمة على داك راجل عندي في الاخر قلز ليا واحد البنت: مييي حكيمة وااا مي حكيمة(كانت واحد البنت لابسة جلابة و مطلعاها جايا كتعوج و ضربا ليك عكر حمر شافتني و بقات طلع فيا و تنزل)ويلي شكون هاديي ؟؟يكما اتخدم معانا ....انا فاش سمعت اتخدم معانا و شفت شكل ديال البنت عقلي مشا نيشان لداعرة ناري امييي بغيت نهرب بقيت كلي كنتناخض مي حكيمة: لا بنيتي هادي غير بنية لقيتها برا و عزت فيا جبتها معايا اشنو سميت بنيتي حقا؟؟ انا: ءءء؟ انا ؟سميتيي؟ صوفيا ديك البنت : هههههه و انا هيا مركاريتا انا: اه مشرفين مي حكيمة: اسيري بعدي من درية سيري شوفي صحابتك ديك البنت :هاهيا غادا مهيم ها فلوسك حقا راه جيلالي جمعها مع فاخيتة مبغاتش تدخل تصربي معانا و هو يسمكها مي حكيمة: و مالها سخن عليها راسها مبغاتش تدخل تخدم ديك البنت: وراه مرضاتش مي حكيمة : اويلي على مرضاتش ملنا ناعسين مع رجالة و لا كنشطحو عريانات اويلي لا كانت مرضياش بخدامة لاش جات لعندي اويلي المهيم سيري دبا تال من بعد و نتفاهم معاها انا: واش كتخدمو خدامات مي حكيمة: ايه بنيتي كنطيب في العراسات و سبوع و هاد البنات كيخدمو معايا يصربيو ناس و يغسلو الميعنات تما و جيلالي راه معانا يحمينا مع حنا غير وليات و لي مبغاتش تقاد يقادها حيت راه كنخلصهم قبل من مايمشيو انا: اه مزيان و الله يعاونكم مي حكيمة: فكريني ابنيتي في سميتك ؟؟!كساندراا ياك ؟؟ انا : لا سميتي صوفيا مي حكيمة: ااه صويفا انا: لا صوفيا مي حكيمة: شكون سماك ابنيتي معرفو ميسميوك اعلى الصوفا المهيم نوضي بدلي راه غيطرشك البرد راه البيجاما لهيه نضت مشيت هزيت ديك البيجامة لقيتها طوييييلة و عرييضة دير من ربعة هزيت حتى داك سروال لقيتو سروال قندريسي عرييض لبستو و حزمتو و هاديك البيجاما لي عطاتها ليا دخلت فيها خرجت عندها لقيتها جايبة ليا كاشة و ماقدة ليا بلاسة لي الصالون فين نعس حيت اصلا الدار فيها غير صالون و بيت و كوزينة و طواليط مي حكيمة : هنتي ابنيتي اتنعسي هنا رتاحي ليك انا: معرفتش كيف ندير نشكرك والله ..جات لعندي عنقتني: هههه لا ابنيتي مكاين لاش نتي فحال بنيتي و عزيتي عليا و غتبقاي معايا تتوقفي على رجلاتك منخليكش ملاوحة على برا يكلوك الوحوش انا:معرفتش كيف غنردليك داك الجميل والله مي حكيمة: ربي لي غيخلصني ابنيتي

 مي حكيمة شادة من فمها و كتشوف في جيلالي : اويلي على دري تاتجمع تا تحليتي انا شادني ضحكة و جيلالي ولا كامل حمر : لا امي حكيمة راه غير عزت عليا مي حكيمة: مممم عزت عليك صافي ركبنا في ديك القزديرة لي كلها كتزوي نوبا نوبا تحبس و جيلالي غيفرنس و انا و مي حكيمة نتناقرو و تحلف عليا حتى وصلنا نزلنا كان واحد الدار ديرا فيها مليكة مشروع و رداها شركة صغيرة كتعامل مع دوك ناس لي لباس عليهم لي خاصاه خدامة ولا لي عندو شي حفلة كيعيط ليها دخلنا لقينا فيها بزاف ديال البنات كيتقيدو باش يخدمهم عند الناس لي لباس عليهم كل وحدة و على حساب المؤهلات ديولها و كيخلصو مزيان بقينا داخلين حتى وصلنا لبيرو ديال مليكة و ديك مليكة كبيرة و شارفة و باقا ممزوجاش و كيصحاب ليها راسها باقا صغيرة مليكة: سلام مي حكيمة لاباس مي حكيمة: الحمدالله ابنيتي انا: اويلي علي مي حكيمة و نتي قدك قدها جمعتها معايا مي حكيمة بقرصة مليكة: هنتي راني مكنجبدهاش غير على وجعك نتي مي حكيمة: مسحيها فيها عافا كبيدتي مليكة : المهيم راه لقيت ليها بلاصة عند واحد الناس لباس عليهم هنتي علميها بلاما تحشميني معاهم فحال لي دارت المرة لي فاتت مع دوك الناس كبت سطل ديال الما على ولدهم انا: اويلي هو لي تحرش بيا بغيتووني نبقا ساكتة ليه مليكة: مم على زينك مهيم سربي خلاص خاصك تكوني عند الناس مع جوج هاكي العنوان ..مهيم لبست كيف العادة ديك الكسوة الكحلة حد ركبة فوق منها طابلية بيضة و تقاشر بيضين مع صبيبط كحل (هاد البسة كتعطيها لينا شركة ) لبست جلابتي فوقها وودعت مي حكيمة لي كان عندها ختانة تمشي طيب فيها وصلني جيلالي طريق كاملة وهو طالق عليا سلوقية كتجري باع البكيرات شرا ارض باع خيمة و انا كنجوبو غير بممم مزيان وصلني للفيلا كانت غير صغيورة ماشي شي حاااجة تاني دخلت وصلني الجاردينيي تال الكوزينة لقيت تما شي ربعة الخدامات لابسين بحالي ووحدة لبسة بدلة كحلة صايا كحلة فايتا الركبة و قميجة بيضة و لافيست كحلة ومستقيمة مكينش ريحة الضحكة في فمها ديرة فحال المسطرة هي: سلام نتي هي مدموزيل صوفيا انا: ويي سيكي ؟؟ههه هي: مكنضحكوش هنايا(جمعت الضحكة) حطي دوك الحوايج و تبعيني نوريك شغالك ...انا حطيت جلابتي و تبعتها عطاتني شطابة هي : سمعي هاد دروج بغيتهم يوليو يشعلو ...و مشات اويلي هاد مالها غطرطق غاراسها مخلاتني تنرتاح شوية يخ تفو على بنادم ممرتاحش ميخلي يرتاح بديت كنشطب و كنكر شوية و هي تمات هابطة واحد البنت مستيليا لبسا شورط قصير بزاف ديال دجين و ديباردو في البيض و طالقا شعرها و كتلعب في تيلي ديالها فكرتني غير فراسي شحال هادي هي حانيا راسها: شوفي جيبي ليا واحد كاس ديال الما انا: و علاش مالك احبيبة نتي محنية هي طلعت راسها فيا : ايكسكيوزمي(عفوا) انا: كيفما سمعتي مكتشوفينيش مشغولة سيري جيبيه لراسك هي: واش معايا كتهدري كيفاش تجرئي الخدامة لخرى انا: ااايه خدامة و حلي بيها فمك هي : يخ تفو شكون دخل هاد الهماج لهنا انا: غتسدي فمك و لانجي نوريك الهماج كيف داير الحمارة لخرى هي : اوميكود مامييي مامييي ماماها نازلة من الفوق: مالكي ا ملاك كتغوتي اش واقع هي : شوفي عليا هاد خيتيي وسط داري كتعيرني ماماها: اايه نتي واش سافا با انا: مهدرتش معاك نتي بقاي بعيدا هدشي و بيني و بينها خليني محترماك امدام ماماها: اويليي شكون دخل هاد زبل ديال الزنقة هنا انا: ايييه عرفي اش كتخرجي من فمك راه غير جيتيني مرة كبيرة اما نوريك الزنقة فين جات ماماها: اشنو هادشي خاالد ميلودااا جات ديك المرأة المسطرة و موراها واحد القلدة تبركالله ماماها: اشنو هاد الحالة لي جبتي ليا اميلودة ميلودة: سمحليا امدام دابا غنعالج الموقف انا: هههه دابا هاد الاناقة كاملة و في الاخر سميتك ميلودا ميلودا: خالد دير خدمتك (داك القلدة جاي لجيهتي) انا: غير هدا اسي خالد نهدرو بالفم انا غنمشي راسي ميلودا شادة تيلوفون: اش هادشي جبتي ليا امليكة زعما راه ديرا فيك تيقة حشومة عليك حشمتيني مع الناس مكين ما ولكن هاهيا غنرجعها ليك ....خرجني داك خالد هازني من كتف و لحني على برا : نلقاك مرة اخرى هنا نوريك ....انا نايضة من الارض و كنمسح في يدي و حويجي: انا مغنرجعش عندكم بعدا ارو ليا جلابتي شفارة لخرين ....شيرو عليا بيها و سدو الباب تفو بنادم مكيحترمش ااااوووف غنرجع عند ديك مليكة تاني بقيت غادية على رجلي و كنهدر غا بوحدي كنحس براسي تقلت على مي حكيمة و هي مسكينة معندهاش واخا مقالت ليا والو ولكن كنحس بييهادشي أاووووف ابابا لمن خلتني اوووف نزلت دمعة صغيورة توحشت بابا و لكن خاصني نحارب الحياة كيف مقال هو ااوووف عاود تاني غندخل عند ديك مليكة غتفرع ليا مخي مع الدخلة شيرت عليا بكرسي حمدالله مجاش فيا انا: نتي مالك صافا كنتي باغا تجيبي فيا هادا مليكة كتغوت: عصبتني كرازتني خرجتي ليا في عودي انا: و طرطقيي كاع انا ماليي سوقيي مهيم متشيريش عليا بكرسي يا ويل كون جا فيه

مليكة طلعت فوق البيرو: و ناريييي غتركبي فيا سكار ..انا: بردي بردي احبيبة منعرف شكون غيركب في لاخور سكار

هي : خرجيييي علييااااأاا ....انا : هاهيااا خارجة ....مشيت الفيستيار نبدل حيدت ديك الحيحة ديال الحوايج و تميت خارجا راجعة عن ملكة تعطيني فلوسي و انا نلقاها خارجة من البيرو ديالها كتهدر مع شي وحدة: ويلي شنو غندر دابا هما طالبين 20 بنت و انا عندي غير 19 كريمة مرضات و خوات بيا هاد نهار شنو عندير يا ربي و البنات كملين فرقتهم على الديور

ديك البنت: صافي امليكة نعديو ب19 

مليكة: اويلي راه ناس مهمين هادو من اكبر رجال الاعمال في البلاد و نتي كتقولي ليا نعديو راه والله تيقتلونا كملين لا وقع ليهم خطأ واحد في الخطبة ديالهم

انا: مليكة الخلاص ديالي

مليكة : سيري قلبي ساعة بخرى قبل منسى بلي راه مي حكيمة موسين عليك

انا: ويلي باغا تاكليني في حقي

ديك البنت: مليكة ها كمالة 20

مليكة: اويلي صوفيا بغيتها تخرج علينا

انا: لهلا يحييك كلاك

مليكة: ناري غنقتلها 

ديك البنت: مليكة مبقا قدامنا حتى حل اخر غير هي غتبلاسي كريمة و نعطيوها غير الماعن متخرجش

انا: لهلا يحييكم قلاك نبلاسي شي حد مزيان تبركالله انا صوفيااااا نبلاصي كريمة

مليكة شدتني من دراعي: شوفي راه والله و ديري خطأ واحد تما و لا تجاوبي مع شي حد حتى نكردك و نعطيك الكلاب يلاه سيري وجدي راسك 

انا: ايوا صافي هدشي لي بقا مالني اختي طالباك و لا ضربتك على يدك راك نتي لي محتاجني ماشي انا 

مليكة: عيشة دوي معاها مبقا ليا جهد ليها 

ديك البنت: تعالي اختي صوفيا بصح حنا محتاجينك و هاد الناس لي غاديين عندهم مكيتلعبش معاهم احبيبة راه الخطبة ديالهم و لا رتكبنا خطأ واحد مشينا فيها كامليين 

انا: و هكاك و هدرو معايا هاك بشوية .... مشيت الفيستيار عطتني لبسة مغايرة على هديك لي كنت لابسها هادي واحد القميجة بالبيض و سايا قصيرة بزااف تاهيا بالكحل و صباط طالون بالكحل(توحشت نلبس فحال هاكا ) و فوق منهم واحد طابليا بيضة صغيرة و فرضو عليا نطلقو شعرنا و ضروري ندير المكياج سيبتو ليا ديك عيشة واحد ايرلينر و كلوز خرجت لقيت البنات كلهم لابسين فحالي و ديرين تهما نفس شدة و المكياج بقينا مصافين جا واحد الكار صغيور ركبنا فيها شي نص ساعة ديال الطريق عاد وصلنا لواحد القاعة فيها الضواو من على برا و الباب ديالها فخم بزاف و على برا كين باركين باقي مكين حد دخلت كندور عيني لقيت جردة مزوقة عرفتهم غيديرو الخطبة فديك الجردة فيها طويبلات طوال محطوطين فيهم الطباسل و الورادي دخلونا الكوزينا مقصومة على جوج وحدة فيها لي شاف كيطيبو ريحة المكلة كتشهي و لوخرى لي غندخلو ليها انا من ديبار عطاوني نقي البطاطا و نغسل الماعن حشومة عليهم و مشاو البنات لي معايا كيهزو المونادا و العصير و الاطباق لي سيبو على برا وانا كنغسل الماعن على قلبي و ديك المريشة واقفة عليا دور دور و تحلف عليا و دوك الماعن تكنقول تقاداو حتى كيحطو ليا تاني شوية الحفلة بدات كتعمر و ناس غير الهاي كلاص و صحافة تما و الفرقة الموسيقية كتعزف موسيقى هادئة واااو شحال توحشت هاد الاجواء واخا كانت كتجيني مملة في داك الوقت 

ملكة قفزتني: هديك ااااه حطي دكشي من يدك و خرجي عونيهم في الحطات 

انا: مال موك قفزتني دويي بشوية 

ملكة عطاتني بلاطو ديال العصير : هاكي براكا من الهدرة الخاوية و سيري حطي هادشي للناس و بلاما تجوبي معا حد سربي 

يخ هزيت داكشي مخلط عندي في بلاطو عواصر و منادات خرجت لعندهم و لي بغا شي حاجة كيجي يتفقلل عليا بغيت هادي مبغيتش هادي اووف خويت داك البلاطو و رجعت للكوزينة لقيت شي بنات خدمات معايا شادين النميمة 

البنت 1 : شوفي يا ختي كيف دايرا 

البنت2: وييه وااو على جمال فيها راها من اوكرانيا و عارضة ازياء هنايا 

البنت 1 :واو كيف دايرا زوينة بزاف العالم الله بخطيبها كيف داير كلشي كيعاود عليه بوقوص و بوكوو العاقة .....انا دخلت راسي نشوف علامن تيدويو لقيتهم على واحد البنت زعرة بنفس طول ديالي تقريبا لاطاي انا مفورمية عليها عندي لور و القدام خارجين عليها شوية شعرها زعر و عينيها خضرين زينها كاوري لبسا كسوة بيضة مضيقة حد ركبة و ديرا فوق راسها تاج صغيور ديال الالماس واحد طالون بالبيض 

انا: هادي هي العروسة 

البنت1: ااااه ...انا: و فين خطيبها ...البنت 2:و منعرف على مبان ليا باقي مكينش 

انا: مممم انا نمشي نخرج نبركك هيهيه 

البنت 1.2: ههههههه سيري 

انا هزيت بلاطو اخر و خرجت مشيت حداها نستكشف لقيتها فحلا كتسنا شحد وقفت و مديت ليها البلاطو 

هي (تكرفسات على الدارجة): هدا اتاي 

انا: لا اصلا مكاينش اتاي في هاد البلاطو في خطرة 

هي:و هدا لي بالقهوي شناهو 

انا: هدا زعزع 

هي : زع زع زعزع ؟؟ شناهو هادا 

انا : شنو غيكون عصير 

هي: اوووف انا مكنشربش العاصير و ماشيغي تعطل عندك اميجيش و يقولو هرب عليها 

انا: ههه يياااه كتهدري بدارجة 

هي : اه تنتي اجي نقولك(قربت لعندها) ولا صافي بلاش

انا: لهلا يحييك ..حتى كنحس بشي حد شد ليا فمي
مليكة بضحكة صفرة : سمحلينا ا مدموزيل (بشوية)زيدي نتي قدامي ...جراتني تال الكوزينة ....مليكة: بغا تخصري ليا فرصة العمر ديالي والله لا كانت ليك
انا:غا بشوية عليك شكون داها فيك لنتي لا فرصة العمر ديالك 
مليكة: سمعي هديك خيتي....دخلت وحدة من دوك البنات : راه وصل العريس وصل انا خليتها تهدر و خرجت نشوف تانا لقيت البنات لي خدمين معايا وقفين كيهدرو و انا دخلت مبيناتهم و انا نتسمر عيني خرجو وهو كان داخل لابس الكلاس و ربة اللحية و قدها و شعرو كيفماهو و لابس سروال كحل و قميجة زرقة لاصقة عليه و فوق منها جيلي بلا كمام بالكحل عاد لافيست بالكحل بينات ليه البنية ديالو واعرة و بيناتو شخصية مشا و سلم على ديك زعرة بلابيز انا وليت كلي كنترعد عيني خرجو و رجلي مبقاوش هازيني و عيني دمعو 
حتى شد ليا شي واحد من كتفي 
مليكة:هههه شفتك ابنتي خرجو ليك عينيك و حليتي فمك ههه 
وحدا من دوك البنات : واااااااااو كيف داير زويين هادا منتوج مغربي 
انا دخت دخلت فحالي الكوزينة وقفت قدام الروبيني غسلت وجهي و انا كنتفكرو اووف خاصني نمشي باقسى سرعة من هنا ...دخلو دوك لخدمات معايا كيهدرو
وحدة منهم: ياختي كيف داير سعداتها 
البنت2:وييه سمعتة كلك كان مطلق 
البنت 3 : تانا سمعتها منعرف شكون هاد الحمارة لي خلات واحد فحال هداك ....انا عا سمعت ديك الحمارة كنت غنخرج و انا نوقف و درت ليهم : ايييه نتي وهيا براكة من نميمة الخاوية في عبادالله ....و انا نخرج من تما بغيت نمشي الطواليط مبقيتش قادة نبقى في ديك الكوزينة 
البنت2: نتوما مال هادي سعرات ولات الامام المفتي 
البنت 3: نتوما اش كتعرفو على صوفيا 
خرجت مشيت للطواليط لي كينا لداخل في القاعة دخلت قديت حاجتي و غسلت وجهي و كانت مرايا تما بقيت كنشوف فراسي و كنتفكرو هوا اووف مخاصنيش نبان ضعيفة قدامو انا قوية و اصلا اندير براسي مكنعرفوش حيت صافي تفارقنا و كلشي سالا مبينتنا و كل واحد عيش حياتو دابا و اصلا خدامة ماشي عيب العيب هو لدرت شي حاجة خايبة اووف انا غنتكلما اووووف ...حليت الباب و خرجت فديك الزعرة 
هي : اووبس ...انا: ديزولي ..وبغيت نزيد فحالي وهي تشد فيا : اجي اجي انا محتاجاك 
انا: فاش غتحتاجني وحدة فحالك 
هي : بغيت نبدل حويجي و بغيتك طلعي ليا سنسلة من لور ....جراتني معاها البيت بدلات قدامي حطات ديك لبيسة البيضة و لبسات وحدة حمرة طويلة بلا كمام مفتوحة تالفخض و انا نضت كنسد ليها سنسلة و مبغاتش طلع 
انا: مبغاش طلع ليا سنسلة 
هي : غير حاولي معاها 
انا: واش هدي كتجي قدك 
هي : ااه راني قيستها في البوتيك جاتني لاصقة
انا: كنظن بلي راك غلضيتي 
هي : متقوليهاش لا ميمكنش غير طلعيها ...انا كنحاول نطلعها ليها و كنسمعو الدقان 
هي : دخل ....هو: كميليا باقي ما سليتيش ...انا فاش سمعت صوتو بقيت مكوانسية اويلي اش غندير و قلبي كيضرب معرفت نهرب معرفت ندير حتى حاجة بقيت غير عطياه بضهر و حانيا راسي 
هي: اوو ماشغي مزيان مني جيتي شوفني واش بصح غلاضيت ....هو : لاا شكون هادا لي قلها ليك ...هي شريت ليا بنت الحرام: الخدامة
هو: اوو نو واش امدموزيل مكتشوفيش 
انا بقيت حانية : سمح ليا ..و جيت تميت خارجة عكلتني واحد الطابية و طلوات ليا رجلي مع الطالون كنت غنجي على فمي فادالله شديت راسي ...هو جا العندي وشد ليا من كتفي: عنداك بشوية عليك ...الهزة لي غنهز راسي فيه لقيتو مخرج فيا عينيه و مصدوم و كيشوف فيا و كيطلع فيا و يهبط صراحة مرضيتش يشوفني بلبسة الخدامة ...بعدت عليه دغيا و خرجت و سديت الباب يا ربي لاش لقيتيني بيه و انا فحال هاكا ياربي شنو غندير دابا كون راه كيتشفا فيا مشيت للكوزينة ملقيت فيها حد شديت دوك المعنات و بركت نغسل فيهم و انا ساهية ...دخلت ماليكا لقات صوفيا ساهية مكدويش جرات وحدة من الخدمات
مليكة: واش هديك صوفيا لي تما دايرا عقلها 
البنت: ااه والله ايلا هي
مليكة: عنداك تكون دارت شي مونتيف هادي ناسكتا غير على خزيت
البنت : وا منعرف يلاه يلاه نحطو للناس العشا 
مليكة: لا بلاتي نشوف هاد المعجزة لي تحقات قدامي ...مشاو حطو للناس العشا و صوفيا و تقولي تحركت من بلاستها ولا طلعات راسها غير كتغسل و ساهية شي شوية سلات الحفلة و الخدمات تجمعو في الكوزينة ياكلو و انا باقا غير ساهية كنحس بالداخل ديالي كيبكي و كيغوت و قلبي كيضرني حتى سمعت كلشي ناض من مورايا 
مليكة: سي انور مرحبا بيك لقيتي شي مشكيل في الحفلة نتا ولالة كميليا ....انا غير سمعت انور وقفت من كلشي درت لقيتو كيشوف فيا بتخنزيرة اربي هادا مالو اش باغي و لاش جا لهنا 
هو دار عند مليكة: صراحة الالة مليكة بغيت شي خدامة في دار دادا عيات بزاف(انا فاش سمعتو عرفتو باغيني انا باغي يدوز عليا الدكاكة و ينتاقم مني)
مليكة: ههه ايه ايه اسيدي انا نختار ليك احسن خدامة 
انور: لا لا انا بغيت انا نختارها (الله يا ميمتي الله )
مليكة:ءء؟ ههه اه اه تفضل

انا ضورت وجهي كملت معنات و كنقفقف انور: بغيت هاديك لي كتغسل لهيها مليكة: شكون ؟؟صوفيا ؟؟لا لا عداك راه متعرف دير والو شوف ليك شي وحدة اخرى انور مخنزر: مليكة راني هدرت غدا تكون عندي ..وخرج مليكة ولات كاملة كتقفقف و انا ندور عندها : شوفي بلاما تحلمي بلي غنمشي لعندو مليكة : سمعي راه والله و متمشي لعندو حتى غيحدرو لجنازتك ليوما انا: لا قدرتي عديريها ....و هي تنزل عليا بالنتيف و انا كنغوت و البنات يفكو فيها فرقوها عليا غبزز و انا كنبكي جابو الكار مشينا للشريكة مع ديك 4 دصباح لقيت مي حكيمة تما كتسناني هي و جيلالي مشيت كنبكي عندها فحال شي درية صغيورة : هيء مي حكيمة هيء هيء نت نتفاتني مي حكيمة مشات تخاصم عليها : حشومة امليكة هادشي انا امنت على بنيتي و نتي مشيتي نتفتيها حشومة هادشي مليكة: فحلا هي دروشة مي حكيمة: اياه و ضربيها ؟؟ هادي هي مي حكيمة عزيزة عليا (انا كنتنخصص مليكة: ولا و راه مبغاتش تمشي تخدم ضبرت ليها على خدمة واعرة و مبغاتش و انا نتفها على مصلحتها مي حكيمة: ايه و ضربيها؟؟ شنو غتكون هاد الخدمة كاع اشتادا زعمة مليكة : ولا راه بغاها داك مسيو انور العثماني خدامة عندو ...مي حكيمة ضربت طم مبقيتش كنسمع هدرتها و دارت عندي و نزلت عليا بقرصة انا:ااااي اح اح قصحتيني مي حكيمة :و تي بالهبلة لوخرة كاين لي قول لهادا لا بغيتيه يخرج علينا كاملين مليكة: وييه قوليها ليها انا: علاش مالو اش غيدير لينا كاع قيطع لينا ريوسنا مي حكيمة: ايه ابنيتي و غيشوطو لينا هاداك راه هو الاقتصاد دالمغرب انا: لواه لواه زدتي فيه اووو مي حكيمة: ونوضي تكعدي شفتك كتفشي عليا تما انا : مغنمشيش هيا مغنمشيش ....شدت ليا ودني و جبدتها و كتهدر تحت سنانها: علاش قولي ليا اعلاش ...انا: اااح اي هيء هيء مبغيتش نمشي لعندو اهيء مي حكيمة: اويلي حاي غتزيدي لعندو لموك و لا غنوريك واش كتعرفي هاداك غتخدمي عندو زين و راجل تبركالله و يطيح الزرزور من فوق الصورو غيخلصك مزيان غتشري احسن لباس و غتاكلي احسن ماكلة و تنعسي في احسن فراش و معمرو يعيرك ولا يقزدر عليك اصلا كيكون هو ديما في الخدمة و مكيعمرش في دارو و حشا وليلاه تكون هديك دار قصر تبركالله و زيدون كاينا حتى صاحبتي تما فاطمة خدامة تم غنوصيها عليك حتى تمارة مغدبيهاش و ديك خطيبتو و لامرتو اغادة جايا تالهدرة متعرفش تهدر فحال المطهسة مغتأديك ماوالو هي كتصاحب مع الخدامات و تعود ليهم واش بغيتي مزال انا: متأكدة هو مكيعمرش في دار مي حكيمة: وا بيانسير ابنتي راه عندو 44 شركة خاصو يقابلها هادشي غير لي في المغرب لي على برا العالم الله انا: مممم هاي هاي ولا مليونير ملكة:و علاش متقوليش مليادير المهم دابا جمعي شطيطك غادة غتمشي لعندهم انا درت عند مي حكيمة: مبغيتش نتفرق عليك اهيء اهيء مي حكيمة : اهيء اهيء كون شفتب انا بنيتي دابا غنموت مهنية عليك غير نتي تبتي و حصني و متجاوبي مع حد في الهدرة لي قالوها ليك ديريها باش يخليوك عندهم انا: اهيء اهيء متخفيش مغيجريش عليا غير غيخرجها مني مليكة :براكا من تعناق مالكم مخرجينها عروسة مجوبناهاش وصلنا جيلالي للدار دخلت مي حكيمة تجمع ليا حوايجي و انا تكيت نرتاح شوية مع ديك 7 جات تفيق فيا مي حكيمة: انوضي اااه غتعطلي انا: حكيمة قلبي ساعة بخرة الله يرحم باك و هي تجمعها معايا بقرصة حتى طرت لسما انا: اااااااي حشومة هادشي لي كديري فيه والله العاضيم مي حكيمة: انوضي اظيك العزري اتعطلي على الخدمة ...صافي نضت فطرت على خاطري تحت انغام المطربة مي حكيمة نضت لبست ديك جلابتي الباج نيت هي لي عندي جمعت شعري عشوائيا و خرجت برزمة فيها 5 تقاشر و جوج بيجامات و سراول حياتي و زيوفت حياتي معرفتش انا اش غندير بيهم خرجنا برا كتعنقني مي حكيمة حيت مغتمشيش معايا و كنبكيو و دارت ليا 20 الف في يدي و هيا مسخياش بيا و لا انا ساخيا بيها ربكت مع جيلالي يوصلني سكت من البكة درت باي باي لمي حكيمة و زاد بيا جيلالي بقينا غاديين شي ساعة ديال الطريق و مزال موصلناش و دخلنا في طريق الغابة انا: واش دار بعيدة جيلالي : اااه شوية جات في الخرجة ديال المدينة انا: ممم اصلا انا غادية للجحيم برجلي جيلالي ضرب يديه مع الكيدون: اصلا انا مكرهتش نخرجك من هادشي كامل انا :جيلالي؟؟هو: والله نتزوج بك و نديرك حلالي و نعزك فوق راسي منخليش ديك خياتي يمدو عليك يديهم و نحيدك من هاد الدل لي نتي فيه و لكن انا نمشي نطبك من عند مي حكيمة و نشوف رأيها ...انا بقيت غير كنشوف فيه مصدومة شوية نزلت عيني و جاتني البكية و ابتاسمت و حطيت يدي على كتفو و صوتي مخنوق: جيلالي شكرا بزاف بزاف...من بعد الهدرة ولا غير سكات حتى وصلنا و كيف ماقلت مي حكيمة قصر تبركالله و هو بالبيض و كبييير بزااااف و دايرا بيه حديقة عرييييضة بزااف و كلها خضرا وفيها الورود من كل انواع و الاشجار و داير بيها صور و عاد الباب الكبييير المشبك وقفين بيه جوج بوديكار

فعلا المنضر خيالي بقيت غير حالة فمي دكشي فحال دوك القصور لي في الحكايات لي في ديزني مهيم سلمت على جيلالي باليد و مشيت عند دوك البوديكارد لي واقفين في الباب و لابسين كوستيمات كحلين انا: سلام انا الخدامة الجديدة سيميتي صوفيا ...واحد فيهم حط يديه على ودنيه كيسمع التعلمات من واحد سماعة في الودن هو : تفضلي امدموزيل ....تحل الباب اوطوماتيك دخلت بقيت غادة مع واحد شانطي طويل باش نوصل للباب الدار غادية و كنخضر عويناتي واااو دكشي رائع كنحس براسي فحال فشي قصة ديال الجميلة و الوحش و صلت الباب و هي تحل ليا واحد المرة كبيرة في العمر وجهها عامر تاجعيد و لكن ملامحها زويني "مشا الزين و بقاو حروفو" طريقة الباس ديالها فحال ديال مي حكيمة هي بابتسامة: نتي هي صوفيا الخدامة جديدة دخلي انا: اه هه شكرا و نتي هي خاليتي فاطمة هي : ايه ابنيتي عيطي ليا غير دادا راه وصاتني عليك ختي حكيمة دخلتنيي لديك الدار وااو كيف دايرا من الداخل شي حاجة خارقة للعادة كان مراح فيه اثاث مصري و دروج الوسط على مبان ليا كيطلعو البويوتا و التحت كاين غير مراح و من هاد جهة صالون مغربي اصيل و من جيهة الاخرا كينا الكوزينة و شي بيوتا حداها مصدودين انا: اه دادا فين نحط هاد لافليز و نبدل حوايجي ....وهي تجي ديك الزعرة لابسة كسوة ديال النمر مقزبة حدها حد الفخض ديالها و جايا كلها كتفيفري بداك الطالون دادا: كميليا جيتي هي : وييي ماشيغي بايقيي ناعس (شافتني و جات لعندي) ااووووو مون ديوو تيي لا وو واش انور لي جابك؟؟ اوو مزيان باش تبقاي تقولي لي واش تزديت ولا نقصت في الوزن اجي اجي بعدا نوريك بيتك ....جراتني لواحد البيت تقريبا حدا الكوزينة و دادا مورانا كان داك البيت كلو بيض الاثاث ديالو بيض الصباغة الحيط بيضة كلو و فيه واحد شريجم كيطل على جردة واحد المنضر زويون و عاد نموسية الوسط كبيرة تاهيا مغلفا بالبيض و ديك كميليا غير تدوي واااو مكتسكتش كتسولني و كتجاوب الراسها مراضتني بديك الدارجة المعكلة ديالها هي : شوفي هاهو بيتك انا نطلع نفيق ماشيغي و نهبط نعاود ليك ...ومشات انا: وااو وااو شحال كتهدر ضراتني في راسي ودني خلاتها توزوز دادا: هههه اياه مسيكينة دريوشة نية متحني متدني انا: هي واش كتبات هنا ؟؟دادا: لا لا بنيتي حرام ولدي (انور) ميخليهاش هنا تايتزوجو عاد تجي لعندو دابا مخليها في واحد الشقة راقية عندو في المدينة انا: ههههه زعمة عمرو قاسها زعمة دادا: بمرة ابنيتي عمرو حتى باسها عاد ينعس معاها تيديرو الكحل في البيض انا: مممم مزيان نتي ادادا اتنعسي معايا في بيت واحد ياك دادا: لا ابنيتي انا مكنباتش هنا كتوصل 8 كيوصلني شيفور لدويرتي عند ولادي انا: اويلي و مكاينش شي خدامات خرين هنا متقوليش كينين غير انا وياك لي غنخدمو فهاد القصر لي قدو قدااش دادا: ايه ابنيتي ولدي مكيتيق في حد اول وحدة جابها هي نتي حيت انا عيت وولدي معقد من البنات من نهار واحد الكلبة واحد بنت الحرام ( انا تقرصت)دارت فيه هاد الحالة باقا نعقل نهار جيت نخدم عندو كان يلاه بدا في شريكتو الولة كانت حالتو حالة ديمان كنلقاه جالس في جردة فشتا فالبرد في شمش و كيهدر غير بوحدو كان غيحماق مكانش كيبغي ياكل ليا الحمدالله منين جا خوه من برا و داه معاه تما لاوكرانيا و كون نفسو و جا هنا و دار مشارع و دار هاد القصر و تلقا مع كاميليا تاهيا دريوشة و نساتو فيها و عضحك مسكينة مكتعرف والو نية نية ...انا بقيت ساكتة و كنسمع و شادة من قلبي على شوية كنت غنهبط الدموع قدامها انا: ااه اوكي ادادا واخا تخليني نلبس باش نمشي نخدم يلاه سدات الباب نزلت الارض وبديت تنبكي حيت كلشي بسبابي انا سباب كلشي و هادشي كامل لي وقع ليا ولا ليغيوقع ليا كلو نستاهلو اكيد كتسألو شنو قصة انور و صوفيا انا غنرجع بيكم 5 اللور (هاد الاحداث ماشي في نفس المدينة ) كانت صوفيا عندها 20 عام كانت زوينة بزاف حتى دابا باقا زوينة عينيها كحلين و مشفرين شعرها طويل و عندها لاطاي ديال العارضات كانت محبوبة الجماهير الدراري كانت كتشطحهم على انغامها و مكتخلي حد يقيسها و مكتخلي حتى دري يحصل الشراف يكون معها وهي صوفيا العلاوي بنت اكبر رجل اعمال سي إنصاف العلاوي و لكن كانت نية كتيق بصحاباتها بزاف ولكن كانت عايشا حياتها بالمزيات كانت عطياها غير لي ديسكو بالليل و الباس الوعر و صحابات لي غير سمية ديال صحبات كانو تيغيرو منها و شراب و كتشري من احسن المركات العالمية و كتكل من ارقى المطاعم و كل مرة و فين تلقاها ها باريس ها لندن كان باها مفششها بزاف ....واحد النهار كانت فايقة تال ديك 12 كيف ديما لابسة بيجامة شورط قصير بزاف بالفوقاني ديالو ميني بوط هابطة و كتحك في عينيها يلاه فايقة كانت بيتا تشطح في لا بواط مع دوك المنيكات دصحاباتها انا نزلت لقيت بابا يلاه دخل للدار على غير العادة مشيت بستو: بابي شنو جابك لدابا واش نسيتي شي حاجة بابا: نو ماشيغي جيت نهدر معاك فواحد سيجي

انا : متقولش ليا غديزاكتيفي الكارط بونك ديالي بابا: لا لا حبيبة ديال هاد المرة الموضوع جدي تعالي نكلسو هنا ..كلسنا في الفوتوي و شد ليا في يدي : كشفتي ابنتي انا كبرت ويقات ليا غير خطوة الموت (بغيت نهدر)لا بنتي مغتقاطعينيش هدي حقيقة مغيغرها حد و انا خايف عليك و قررت نزوجك بواحد سيد  انا حيدت يدي من يدو و نضت وقفت: لاء ابابا مبغيتش نتزوج هاكا بغيت نتزوج عن حب و زيدون هادا مكنعرفوش و بغيت نبقا معاك نتا هي عشرين مبغيتش نمشي يبقا حابسني بابا : شكون لي غييقا حابسك بالعكس غيعتني بيك فحالي و كتر حيت باينا فيه راجل و قاد بشغلو وراه شافك و عجبتيه و دغيا جا العندي طلب يديك مني انا كنتنفخ: اووو هو فين شافني بابا: صراحة امافي منعرف يمكن فاش جيتي لشركة شافك حيت هو خدام عندي مهندس انا: شنو مهندس؟؟كيفاش قدرتي ابابا تفكر فيه كزوج ليا وهو فقير و خدام عندنا من الفوق بابا غوت: صوفيا براكاا حشومة انا منقدرش نخليك ضايعا هاكا هادي حياة لي عيشاها نتي و هو مشي فقير غي ماشي في ابمستوى ديالنا ولكن راه راجل ابنتي (بغيت نهدر) شوفي انا عرضت عليه بليل يتعشا عندنا ديك ساعة فاش تشوفيه قرري ...مشا و خلاني كنغلي كيفاش بابا قدر يدير ليا فحال هاكا اووف و لكن صراحة تانا عندي فضول نعرف عادا كيف داير اووف عنداك ايكون من هادوك لي كيلبسو قوامج و كيطلعو سراولهم حتى الكرشهم و كيكن فيهم ريحة العرق و ديرين ليباك و شعرهم مشعكك و فيهم الحبوب فوجهم يخ يخ جوبوبا نتخيل ...دزت الكوزينا درت فطور و غدا و طلعت لبيتي حتى دخلت فضيلة هي مرة ارملة زوينة هي رئيسة الخدم عندنا كتلبس الكلاس سروال كحل و قميجة بيضة و لافيست كحلة : انسة صوفيا راني جبت ليك القفطان لي غتلبسي في العشية و حتى الكوفرة قريبة تجي لعندك انا نعسا فوق ناموسية و كنلعب بطيليفوني: مممم مزيان حطيه تما فاش تجي علميني فضيلة: واخا انسة ....غير خرجات نضت كنجري كنشوف داك القفطان كيف داير مكنبغيش نبين بلي انا انطيغسي بيه قدام الناس ...شفت لقيتو بالباج في العقيق و معندش الكمام فيه غير سميطات ..جات الكوفور دخلتها لعندي دارتو ليا كريباج و مكياج قلت لها ديرو ليا خفيف و لبست قفيطيني و صباط دومي طالون بالباج بقيت جالسة في البيت كنتسناهم يجيو بفارغ الصبر و قلبي كيضرب بجهد و عندي فضول نعىف شكون شوية كنسمع طموبيلات طليت من شرجم لقيت جوج طموبيلات وحدة ديال بابا و تانية خرج منها شي حد لابس كوستيم كحل مابانش ليا وجهو و نزل معاه واحد ااخر كبير شوية راسو شايب اويلي واش هادا هو لي جاي خطبني لا ميمكنش ايكون لاخور مشيت بقيت جالسة حتى دخل عليا بابا : وينو على الاميرة ديالي كبرت وولات عروسة ...باس ليا فوق راسي و شد ليا من يدي و خرجني و بقينا هابطين و انا قلبي كيضرب و مهبطة راسي و طلع معايا سخونية اووف منعرف مالني ...دخلنا للصالون كانو مسيبين طابلة و مزوقينها بالحلوة و الموناضة جلسنا انا مهبطة راسي ومكنشول لوجه جلسين قدامي جوج واحد لابس كوستيم بالكحل طيتو زوينة وويديه بيدين و لابس مكانة و لي حداه عندو كريشة و يديه سمرين اكيد ماشي هادا غيكون لاخور بغيت نطلع عيني نشوف غالبة عليا الحشمة و كناكي حمرين غيطرطقو داك بو كريشة: ايوا اسي انصاف كيفما قلت ليك راه انور ولدك و كتعرفو و سنين هو خدام عندك في شركة و نتا عارف علاش جينا طلبين راغبين في بنتك لالا صوفيا لخويا بابا: ايوا سيدي نشوف قرار بنتي و لا وفقت انا نزريدكم غير الله يكمل بالخير بنتي اش قلتي ....اويلي ا بابا حشومة عليه حطني في موقف فحال هادا طلعت عيني في بابا و لساني معقود انا:ءءء؟ بابا؟ بابا: ههههه نخليوهم بوحدهم يتعرف على بعضهم تعالا معايا اسي منصور ...خرج بابا مع داك بو كريشة و خلاوني مع لاخور بغيت غير نطلع راسي في هداك مقديتش هو ناض و جا جلس حدايا وهدر ومد ليا يدو : سلام انا انور ...تشجعت و طلعت عيني فيه بقيت مكونسية وااو على جمال عجبني بزاف كان كيشوف فيا و مبتاسم و عينيه كحلين و لحيتو خفيفة بينا فيه سمات الرجولة و شعرو مقاد ...هو: واش مكتسلميش ...انا عاد نتابهت ليدو و سلمت عليه ...انا: اه اه انا صوفيا ...هو بقا شاد ليا يدي و كيشوف فيا بواحد نضرات كيسكتو القلب :سمية زونية فحالك ...انا ابتسمت و حشمت و هو كمل: صراحة انا عجبتيني من اول مرة شفتك ولكن كاعما كان يحساب ليا غتكوني زوينة تال الهدرجة عن قرب ....انا وليت انلعب بعيني و حناكي غيطرطقو بالحشمة ...دخل بابا و خوه لهنا وهو يطلق ليا من يدي و جلسو قبالتنا بابا: احمممم اوا ابنتي اش قررتي ...انا حنيت راسي بالحشمة و شدتني ضحكة لي كتعلن على موفقتي ناض بابا كيعنق داك سيد و انور فرح حدايا و بغا يعنقني و حشم و سلم عليا بيديه: شكرا شكرا بزاف ....دخلت فضيلة هزة في يديها واحد المخدة بالبيض فوق منها سربيتا بالحمر و فيها جوج بواطات فيهم خواتم عيط بابا على وحدة من دوك الخدمات كتعرف تزغرت غير ركبناهم و هي طلقها بتزغريتة هه

 صافي ركبنا الخواتم كان (خاتم ديالي من الماس) بابا ناض كيهدر في طيلي داك الراجل كيهدر معايا: سلام انا هو خو راجلك انور سميتي منصور انا معايش هنا انا مهندس في اوكرانيا بابا: اووف حتى هاد العدول تعطل ..انا خرجت عيني في بابا و كنقولو بعيني كيفاش منصور : معرفتش اسي انصاف  علاش هاد زربة ليوما اللاكط وغدا الحنة و بعدو العرس هادشي مزروب بزاف انور: لا لا ا منصور سي انصاف عندو الحق (سيد مزروب) بابا: اسيدي انا باغي نفرح ببنتي دغيا و كلشي غيوجد في رمشة عين انا مقديتش نهدر اويلي أ بابا شفتو باغي يسيفطني دغيا في ميكا ساك بقيت نشوف فيه و كنرمش بعيني و انا نحس بشي يد فوق يدي انور: واش مبغاش هاد زربة انا: ءء؟انا؟؟لا اه لا حيت بابا دورني عندو : ياك عجبك بغيتيه شنو الفرق مبين العرس لدرناه بعد غدا و من بعد عام انا وليت درويشة : وا لي بغيتي ابابا حسيت بكلشي رتاح جا العدول لابس فوقية عطاوه لي كارط نسيونال ديولنا سينا انور و عطاوني حتى انا نسيني ترددت في الاول مي من بعد سنيت زغرتات ديك الخدامة صافي فرحنا تعشينا كاملين هما خرجو و طلعت انا للبيتي صيفطت ميساج للكاع لبنات صحابتي باش يجيو قلت ليهم بلي غنتزوج و غدا لحنة انديروها في دار دخل عندي بابا و جا جلس حدايا انا ديرا لهيه مقلقة بابا :مال الاميرة ديال باباها مقلقة مني انا:حشومة ابابا عملتيني فحلا انا تقيلة عليك و باغي غير تفك مني عنقني : لا لا ابنتي ماشي هكاك بالعكس بغيت نشوفك عروسة قبل منموت و نرتاح من جيهتك و تحيدي عليك من داكشي دليل و داك شراب انا: وشفتي ابابا باغي تفك مني بابا: لا لا ابنتي ماشي هكاك و دليل هي انه غندير لبنتي احسن عرس كلشي يبقا هدر ليك عليع صافي هههه هاكا بغيت بنتي ديما ضاحكة و انور غيعاملك و يبغيك فحالي انا: لا ابابا مكاينش شي واحد فحالك هيء هيء مبغيتش نتفارق عليك بابا : لا بنتي متبكيش غتبكيني معاك ....بقينا مع بعضنا نبكيو و نتفكرو ليام حتى نعست و غطاني و باسني فوق راسي و خرج الغد ليه فقت تال ديك 12 فضيلة: انسة صوفيا صحابتك جاو انا كنتكسل: بصاح انا ندوش و نهبط عندهم دكشي لي ظرت لبست سايا تجين قصيرة و تيشورت بالغوز قصيرة كتبين ليا خصري نزلت سلمت عليهم (هاد البنات كنت تليقت معاهم فاش كانت عندي 16 عام في ديسكو كنت كنقرا ديك ساعة و هما لي قنعوعني بلي القرايا معندي مندير بيها حيت بابا عندو الفلوس و نعيش حياتي حسن سلوى عندها 28 عام معرفتش شنو كتخدم مي راها لباس عليها و مزعرة شعرها و زوينة مابيهاش ليلى 25 عام مزوجة تهيا بشي حد لاباس عليه عندو تجارة و لكن منعرف ديالاش هي سمرة و ملامحها زوينين و مفورمية و مريم قدي قدها هي خت سلوى صغيرة كتشبه ليها و هي مكربيا شعرها و هي لي عرفاتني عليهم ولينا صحابات من روح روح كنسافرو مع بعضنا نسهرو و كلشي كنديروه كاملين)سلوى:حشومة عليك هادي هي صحبة نقلتيي لينا والو عليه ليلى : و حنايا مقلقين منك انا: نو نو حبيباتي والله البرح عاد عرفتو و درنا خطبة و لاكط و كلشي في دقة و اليوم الحنة و غدا العرس مريم: ويلي هادشي مزروب بزاف سلوى : مالك خافة لعريس ليهرب هههه انا: اصلا لا درنا العرس اليوما و لا غدا و لا العام جاي مغيغير والو ليلى : ويي بصح المهيم هو فاش خدام انا: اااه خدام مهندس عندنا في شركة كلهم ضحكو حتى بانت ليهم ضرسة ديال العقل انا: هههه مالكم ؟؟ ليلى : ههه واش من نيتك اصحبتي سلوى : ههههه نكتة زوينة والاهيلا ضحكت بدموع انا: هههه علاش مالها شنو فيه مريم: متقوليش ليا راك سيريو غتزوجي بهاد الفقير انا: لا راه ماشي فقير غير ماشي فنفس المستوى ديالنا سلوى: نوضي راه اكيد باغي غير فلوس باباك انا: لا لا انور ماشي هكاك ليلى : شفتك يلاه تلقيتي بيه وليتي تعرفيه انا : ماشي هكاك مريم: دابا اصلا معندنا منديرو ولا راجلها بعدا خلينا نشوفوه سلوى : ويي شحال عندو من عام انا: قاليا بابا عندو 28 عام المهيم نوضو معايا غنمشيو للحمام خانوم راه دار لنا بابا حجز لينا كلنا ليلى : ايوا حبيبة دابا هدرتي يلاه نمشي ....مشينا ركبو معايا في الفيراري الحمرة ديالي غاديين و طالقين المزيكا و كنغنيو وصلنا لداك الحمام داير فحال صونا فيه كوافور و مساج و كلشي مشينا طلعنا نسخنو دخلنا في ديك الغرفة نتصهدو و كندهنو ليكريم و كينصحوني ديري كدا ديري كدا سلينا مشينا لاصال الاخرة دارو ليا لاصيغ اصلا مكين لاش مفياش زغب بزاف داروه ليا من راسي لرجلي خرجنا مشينا الكوافور و جلسنا شي كيدير لينا المنيكير و شي كيدير ليا بروشين لشعري و شادين الهدرة و النميمة سلوى: صوفيا بما انك بقا بنت اليلة لولة غتكون صعيبة عليك انا: من نحيت أش ؟ ليلى : بلاتي مريم نوضي ديري ليك مساج لهيه مريم: لا لا تنديروه معاكم سلوى: غير خاليها اليلى راه فايتا مجرباه ليلى: وايلي على مريم ماشي بنت سلوى: صباح الخير ابنتي انا: علاياش كتهدرو مفهمت والو سلوى: سيكس انا: مالو

ليلى: اويلي على مالو هو لي غديريه نتي و داك عريس الغفلة غدا انا: لا اويلي دغيا حنى يلاه تعرفنا غيصبر عليا حتى نتوالفو سلوى:ههههه ضحكتني واش نتي كتهدري على رجال هادوك راه دياب فهيئة انسان غير كدخل البنت لشبكة ديالهم مكيعقلوش عليها مريم: انا اول مرة كانت ليا بقا كيقولييا انا غير بشوية فاش تمكن حتى تمكن مبقاش عاقل عليا و دم ولا كيخرج بزاف انا: خلعتوني البنات والله ليلى: شفتي هاد انور هو لي زدقات ليا غدي ياخد املاك باباك و غيخد بنتو باقا صغيرة و عدراء و زوينة والله هو لي طارت ليه انا: واش داكشي كيقصح بزاف سلوى : شوفو دابا الناس في الناس و القرع في مشيط الراس ....بقاو كيعودو ليا و يخلعوني و يعمروني على انور كتعرفو كيف كنتخيلو فحال شي وحش باغي يخد مني كلشي و غيعدبني و غيديرني فحال شي خدمة و لا الة باش يشبع نزواتو صافي رجعت لدار و هما مشاو يوجدو للحفلة ديالي في اليل انا مشيت لبيتي و بقيت ساهية و ديك الهدرة كتعاود في راسي لبست قفطان خضر فيه حجيرات و مضمة دياب دهب و اكسسوارات خرين كانو محطوطين تما مع بليغة في لون سفيفة و شعري كنت درت ليه مشيطة ودايرا مكياج صارخ مناسب للقفطان ديالي و درت فوقو راسي تاج عصري ديال دهب وعاد اكسسوارات الاخرين وقفت قدام المرايا و كنهدر غير بوحدي : دابا انا وياه غنكونو بوحدنا و كيفما قالو البنات غيتهجم عليا و لا مبغيتش غيضربني و غيي....هو يشد ليا شي حد من كتافي من لور ...بابا: لا بنتي مكين من هادشي والو نتي غتزوجي و غتكوني اجمل عروسة و غتعيشي حياة زوينة مع انور انا درت عند بابا: و لكن اش اش غن غندير في في ليلة لولة بابا ضحك : هههه انا غنقول لفضيلة تقول ليك صافي دابا جيت نهبطك راه ناس كملين كيتسناو اميرتي زوينة انا درت ليه براسي واخا و شدني من يدي و هبطني لقيت كلشي لتحت كيتسناني صحباتي و شي بنات و دراري كانو تيقراو معايا و صحاب بابا و بزاف ديال الناس لي مكنعرفهومش كلشي لبسين تكاشط و رجال جبادورات جابني بابا جلسني فواحد البلاسة بعيدة على الناس مزوقة و جات نقاشة كتنقش ليا جاو سلوى و مريم و ليلى سلمو عليا و جلسو حدايا تقريبا و بابا بان ليا كيخنزر فيهم مهيم بدات دقة المراكشية ناس ناضو كيشطحو و مكيعرفوش غير كيمشيو و يجيو مع الموسيقة شوية سكت كلشي و كنسمعو المسيقى جايا من برا و زغاريت تحنت فضيلة على ودني: هدا راه دفوع انا :ااه ...مشاو البنات صحابتي يطولو و انا بقيت جالسة طلقة يدي ورجي لديك البنت لي كتنقش مشاو سلوى و ليلى و مريم يطلو على العرس و يشوفو العريس كيف داير خرجو على برا يشوفو لقاو منصور لابس جبادور و كيشطح اما العريس باقي في طموبيل لداخل مريم: هادا هو العريس ليلى : اويلي واش هادا هو لي غيدي لينا الاملاك من يدينا سلوى : سكتو سكتو راه هاداك غير من العائلة شوفو راه العريس هو لي جالس في طموبيل لداخل ....طلو بان ليهم غير نص دوجهو كيضحك ....مريم: ويلي ويلي شدوني لا كان هادا هو العريس ليلى كتعض في شنايفها : نااااااري ياختي مكرهتش نمشي عند صوفيا نقولها نتبادلو سلوى: اش هاد تخربيق كنسمع ياكما نسيتو لاش جينا لهنا حنا واخا داك شارف ديال انصاف مبغاش يموت خلاص اشنو دار زوج بنتو دغيا بلا منعرفو ليلى: ايكون عاق بينا زعما سلوى: منعرف باقي معرفتش هاد شارف علاش ناوي و عاد دار لينا هاد انور في طريقنا مريم: ولكن رااااه خينااا واشمن خيناا ليلى : ويييه ناري مي خرج ناريييي شدونييي مريم : الله الله هادا بنادم سلوى: تبتو ازبل متنوضش فيكم الدودة خصنا نفكرو كيف نديرو نفرقوهم مريم: شوفي ختي خليني نعس معاه و نتوما جيبو صوفيا و هاهي خيانة ليلى : وعلاش تنعسي معاه نتي نعس انا سلوى: ووااا زمر سكتو معينعس معاك لا نتي لانتي مريم و ليلى: و شنو غينعس معاك نتي سلوى شدات من راسها: يا ربي باش بليتيني سمعو هاد الخطة لي كتفكرو فيها عمرها تنجح انا لي كنعرف انور مزيان اي خطوة كيديرها كيضرب ليها الف حساب انصاف عرف اش ختار لبنتو دابا قدامي غير ديك المكلخة ديال صوفيا هي باش غنلعب انا جا دخل عريسي بجبادور بالباج جا و باس ليا فوق راسي و الكميرات و الصحافة كيصورو هاد انور بالاضافة لجانب الخاريجي لي زوين كنحس بيه من لداخل دافئ بقينا على داك الحال انا بديت نعيا و البنات غبرو من حدايا و شاداني الحشمة من انور و كنتقلب هكا و هكا و خايفة نعمر بالحنة انور: عييتيي انا: اااه بزااف انور: نقليها تحيدها ليك باش تنوضي انا: ااه والله ميرسي ...هو ابتاسم ليا و هدر مع خدمات جاو مسحو ليا داكشي و اخيرا نضت اووف مكنحسش بلورانيا ديالي اووف طليت عليها انور بواحد الابتسامة جانيية: تكايسي شوية راه هدشي ولا ديالي (غمزني) انا:ءءء؟؟ نعام نعام ؟كيفاش مفهمتش بابا اتا عنق انور من لور و ضغط عليه و ضحك ضحكة صفرة: ولدي شفتك قصحتي معاها الهدرة انور : ههه علاه اعمي كدبت بابا: و لكن راه باقا في داري حتى تمشي لعندك و قول ليها لي بغيت

 انا حسيت بهم كيهدرو على شي حاجة خايبة واخا دكشي غير بالمعاني بغيت نسد ودني اصلا باقي هدرت سلوى و البنات كتدور ليا في راسي صافي شوية نوضونا نشطحو و ديرين بينا انا شادني شوية الحشمة غير حانية راسي و كنبتاسم و هو كيضحك و فرحان صافي سالات الحفلة بقيت انا و انور  كنهدرو و كنضحكو في جردة على شطحة تاع خوه فحالا كيعوم و هما يبانو ليا البنات صحاباتي واقفين تما انا: انور بغيت نعرفك على صحاباتي (شيرت ليهم) سلوى ليلى اجيو اجيو ...هما جاو لعندها مريم كتلعب بشعرها و كتشوف فيه ليلى كتشوفيه بنضرة شهوانية عندك سلوى لي كتشوف فيه بنضرة تحدي و صوفيا ما جيبا في دنيا خبار صوفيا : انور هادي مريم و هادي ليلى و هادي ختي حبيبتي سلوى ليلى سلمات عليه و قربت تال عند فمو و طلعت صدرها لعندو كتهدر بصوت مثير : مشرفين امسيو انور ...هو مدسرهاش حدو سلم عليها باليد : مشرفين (كحزها الور )مريم تاهيا ماشي من العاكزين هدي بغات تسلم عليه من لابيز (صوفيا تقرصات) هو : نونو ديزولي مكنسلمش هاكا ....هي رجعات اللور و دارت ضحكة صفرة (صوفيا عجبها الحال ) سلوى مدات يديها : سلام سي سلوى هو ضحك ضحكة استهزاء و سلم عليها : مشرفين اسلوى(دار عند صوفيا) حبيبة دخلي للداخل غيضربك البرد انا دابا شوية نجي لعندكم ....صافي صوفيا مشات و جرات معاها ليلى و مريم سلوى: ههه ايوا اسي انور معندي ميتسالك دغيا طلعتي و خدمتي و غتناسب مع سي العلاوي انور: ممم سلوى ا سلوى صوفيا عارفاك فات ليك دخلتي الحبس على النصب و الاحتيال سلوى: هههن اصلا هاديك غير دمدومة اش عها متعرف ....انور شاد ليها من شعرها: هيي ال***غتلزمي حدك هديك لي كتهدري عليها راها مارتي دبا و نلقاك دوري بيها مرة اخرى نمحي ختي من الوجود (طلقها و قاد الكول ديال الجبادور ) هدرتي متعاودش(مشا) سلوى كتنفخ و كتفش اراسها: لما فرقتكش معاها و خليتها تمرمدك و تجفف بيك الارض منتسماش سلوى (لاحت صاك في الارض ) مريم : سلوى مالك ليلى: شنو قالك شي حاجة سلوى: مكاين والو يلاه تحركو من قدامي انا ودعت انور و مشيت طلعت الفوق لبيتي بدلت و تكيت نرتاح شوية حيت عييت نهار كامل غمضت عيني كيبان ليا غير انور درت يدي على وجهي و بديت كنضحك ابوحدي محسيتش براسي حتى نعست ....فقت بكري مموالفاش ليا فقت كنرمش في عيني شي جوج دقايق نضت كنجري هبطت عند فضيلة لكوزينة لقيتها كتعطي الاوامر لخدمات انا: فضيلة عتقيني ..هي مشغولة غادية من القنت القنت و انا تبعاها فضيلة: انسة صوفيا اليوما الجدول ديالك عامر بقاي في بيتك غنطلع ليك فطورك تما بينما جات الكولور و نقافة لعندك انا: لا لا بلاتي سمعني (غوت) شنو غندير انا في ليلة دخلة ....كلشي كاع الخدامات حبسة من شغل و دارو كيشوفو فيا و فضيلة تاهيا تكوانسات فيا و خضارت و صفارت وجراتني لبرا فضيلة: انسة صوفيا هادشي عيب انا: ولكن بابا قاليا غيهدر معاك باش تعلميني قولي ليا واش بصح غيضرني فضيلة: لا مكينش هادشي بالعكس انا: اوو شنو خصني ندير فضيلة رتبكات: شوفي مم كتعرفي ممم مهيم هو غيدير كلشي نتي مديري والو انا: او شنو غيكون دوري انا فضيلة : ممم والو تفوت هاد ليلة و نتي غتعرفي شنو دورك دابا غير خليه هو غيدير كلشي يالاه دابا سيري طلعي لبيتك انا نجيب ليك لفطور اوووف ....طلعت لبيتي و بقيت جالسة كنفكر دابا انا غنكون معاه اول ليلة انعطيه انطباع سيء عليا ايقول هادي مكتعرفش متصلحش تكون مرتي لا لا مغيقولش عاكا اصلا فين غيلقا وحدة فحالي زوينة و عندها الفلوس و لكن مكتعرف دير والو اوووف شداني الخلعة اووف صافي طلعو ليا الفطور فطرت دخلت ندوش جابت ليا فضيلة شي كريمات قالت ليا ديريهم شولتها علاش قالت ليا ديرهم و صافي خرجت لقيتها كتجمع ليا شي حوايط فيواحد لافليس صغيورة قالت ليا هادي غتكون في الاوطيل فاش نبغي نبدل نجبدها درت ليها براسي وااه طلعات ليا تغديت جات الكوافور صيبت ليا شعري و و درت ليا ليه مشطة جات نقافة تصايب ليا نقافة : نتي هي العروسة ماشاء الله انا: ميرسي نقافة : مهيم احبيبة هاد تكاشط لي غنلبسهم ليك و هاد اكسسوارات راه شراهم باباك يعني انا غير غنعاونك في اللباس .... انا دك ساع شداتني البكية بقا فيا بابا مبغيتش نمشي من عندو مهيم لبساتني المرة لولة تكشيطة بيضة و بالمضمة ديالها و دارت ليا تاج فيه حجيرات ديال الديامون بالاكسسوارات ديالو طلعت كنشعل خرجت لقيت انور كان لابس كوستيم كحل لا فيست ديالو ديال الدان و عاوني في الهبيط و كيهدر في ودني : انا ممتيقش راسي بلي غيكون عندي هاد الجمال ..ياودي غير خلينا ساكتين تعالا تشوف انا ...مهيم بقا عليا بالهدرة و انا غير حشمانة و ديك النقافة كتبرح مورانا و تزغرت صافي طلعنا في طومبيل ديالو لقينا منصور هو لي سايق تما جلست الور و طلع حدايا انور و فضيلة طلعت القدام

دار عندها منصور: و انا نقول علاش القمر ضاوي هاد النهار فضيلة : مسيو منصور منصور : يا شحال منصور حلوة من فمك فضيلة : حتارم راسك عافك نغزو انور من الور و كيهدرو بالاشارة مهيم مشينا القاعة كانت فحال شي قصر مزينة لقيت صحاباتي تما بقاو يبدلو ليا من لبسا لبسا غادة جاية انا  وانور و صحافة و كلشي يصور بقات غير لاغوب دخلت نلبسها و خليت انور برا انور واقف فرحان و كيضحك مع الناس جا عندو منصور عنقو : انور شفتك فرحان هههه انور: هههه وبيانسير راه عرسي هادا منصور: هههه و تكايس اصحبي درية باقا صغيرة ههه...هو يجي سي انصاف و عنق انور من جيهة الاخرة و كيشوف في ناس و كيضحك و كيهدر تحت سنانو: ههه نسمع بنتي تالمات و لا تقسكات نمحيك هه انور: لا لا كون هاني اعمي راني كنعرف نتصرف سي انصاف : و بشوية عليها الله يرضي على ولدي انا غنمشي نجيبها جبدات ليا لاغوب لبستها كانت لاسقا عليا بالكمام و جات معا لاطاي ديالي زوينة و محلولة شوية من جيهت صدر و درت واحد البندو صغيور كيبري كلو مرصع بالالماس فوق شعري لي درتو بوكلي و عاد لافوال هابطة مع لاغوب من لور جا بابا هاد المرة هو لي غيديني تميت هابطة انا وياه من دوك الدروج فحال شي اميرة و انور واقف لتحت فحال شي امير و مد ليا يديه انا ابتسامت و بغيت نعطيه يدي و لكن بابا شد ليا من يدي الاخرى فاش درت لقيت دموع في عينيه انا درت عندو و مسحت ليه دموعو و عنقتو و قلبناها بكا كلشي تاتثر بينا ديك ساعة مهيم مشينا جلسنا جاو يتصورة معانا نضنا رقصنا انور داير يديه على خصري و انا حاطا يدي على كتفو و العين في العين و الابتسامة على شفاهنا صافي كملنا الحفلة و جا وقت الفراق بكينا و شبعنا بكا طلعت مع انور القدام و هو كان سايق بقينا غاديين و انا كنبكي بصمت على ود بابا هو يحط يدو على يدي : صافي احبيبة ماشي تزوجنا يعني ماشي مغنخليكش تشوفي باباك انا كتفيت بالابتاسم ليه وصلنا لاوطيل و كان ديال خمس نجوم انا بقيت كنشوف عاد سرات معايا ليلة دخلة كنت فرحانة و لكن دابا...انور: ههه يلاه الاميرة هبطي انا: ءءء؟؟!نهبط؟؟ لا لا غير خليني هنا انا مرتاحاة انور: هنههه اش كتقولي يلاه نهبطو (حيد السمطة و غيخرج انا شديت ليه من يدو على شوية و غنبكي بالخلعة)انا: لا لا عفاك متهبطش خلينا غير هنا مزيانين و زيدون انا عيانا ماقداش نزيد على رجلي انور خرج كيضحك و تم داير لعندي حليا الباب و دخل راسو و حيد ليا السمطة انور: هههه انا غنهز الاميرة ديالي مغنخليهاش تحط رجليها في الارض انا: ءءء؟ لا لا....هزني كنحس براسي خفيفة في يديه درت يديا بين عنقو وهو سد الباب دطوموبيل بركبتو وعطا سوارت دطوموبيل للعساس باش يسطاسيونيها ...دخلنا و كلشي كيشوف فينا وهو هزني انا: ناري شداتني الحشمة انور: علاش عاتشدك نتي مع راجلك دابا ....بقينا كنشوفو في بعضنا شحال و كنقربو من بعضياتني و كنقربو حتى من الغرفة ديالنا مجينا نوسلو ليها لقينا راسنا دخلنا في القبلة الاولى صراحة هو لي كيبوس انا غير تنرمش بعيني هو كيسالي من القنفة الفقانية كيدوز لتحتانية انا صافي غيبت كنحس بجسمي كامل كيتهيج بواحد طريقة فحال شي مخدر و منعرف كيف دار حتى حل الباب دخلنا هو حطني فوق الناموسية و انا بقا مغمضة عيني انور بابتسامة : حبيبة نخليك الدوشي هي الاولة ...انا كنت بغا نقوليه غير كمل عفاك : اااه واخا ...مشيت دخلت للحمام و دخلت معايا حتى ديك لا فليز لي لقيتها تما في لا شومبغ دخلت دوشت مقصتش شعري شديت فوط لويتها عليا و بديت نقلب على شي حاجة نلبسها بديت كنجبد كنلقا غير لي دوبياس و لا شي كسوات كلهوم شبكا اويلي مغنلبسش هادشي اصلا شنو هادشي شفت تعييت و رمشت وهزيت واحد دوبياس بالكحل و لبست فوقهم شبكة كحلة قصيرة مقديتش نخرج حليت الباب و كنطل واش كاين ولا لا مبان ليا حد في لاشومبغ خرجت بشوية غادة و كنهبط في داك العجب و انا نسمع تصفار من الور و انا ندور لقيتو محيد لافيست و متكي على الحيط و كيطلع فيا و كيهبط وكيصفر: واو هادشي كامل عندي ...انا بغيت نهرب هو يشدن و عنقني من لور: هههه فين باغا تهربي مني ....انا درت عندو و هدرت معاه ببراءة و بصراحة : ع ع عفاك متقصحنيش غا بشوية ....هو يطلقها بواحد الضحكة حتى بانو ضراسو و بدا يقيس ليا شعري ووجهي : ههه انا اصلا من نقدرش نقصح حبيبتي (شد يديا وحطها على قلبو)شفتي هادا كيضرب غير ليك نتي بوحدك من نهار شفتك عمرك حيدتي من عقلي و قلبي ....ياه قلبو كيضرب بزاف تقول كان تيجري هو شد ليا وجهي و طلعو لعندو و بدا كيقيش ليا شفايفي و تكا عليهم بالبوسان و انا نبادلو نفس شي و يدو مشات ليا لتحت ضهري شوية هزني بشوية و حطني فوق ناموسية و بدا شغلو يقيش هنا يبوس هنا يمص هنا و انا غير بركا ناعسا على ضهري و كنتحرك و نتااه غير راسي كنحس بالعافية شاعلا فيا و شي حاجة كتهيجني كنطل كنلقا راسي مبقيت لابسا والو شوية طلع عندي و باسني وشد ليا يدي بجوج بيد و طلع ليا رجل وقال

طلع ليا رجل فوق كتفو وقال: حبيبة صبري معايا 55 دقايق .....مفهمتش شنو قصدو ولكن كنحس بشي حاجة قاصحة كدخل بشوية بشوية انا كنغوت وحاولت نبعدو مني و لكن لقيتو حاكمني من جميع لجيهات و كنحس بدكشي قاصح كيشرك ليا لحمي و انا غير مازيدا كنغوت وهو يحط فمو على فمي و بدا كيخرجو بشوية بشوية و كنحس بروحي خارجا معاه و شي حاجة هابطة مني هو يطلقني وتكا سخفان انا نضت و شفت دم و مع انا كيدرني لتحت و مقدراش نجلس و انا نبدا نبكي: اهيء اهيء شنو هادشي شنو درتي ليا حشومة عليك هادا دم ....طلعت عيني فيه و يارتني مطلعتش مشفت غير هاداك بقيت مصدومة اويلي دابا انا تخشا فيا هداك كامل هو ناض انا دورت عيني و لتقط انفاسو و ابتسم ليا :نبداو تاني ...انا درت نشوف فيه: لا لا عفاك لا .... هو يضحك يبدا يهر فيا و انا كنضحك شوية بغا يغفلني : انا عفاك لا لا باقي كيضرني و زيدون داكشي عندك كبير بزاف انور: شفتيه انا بديت ندور في عيني: ءءء؟ لا لا غير حسيت ...هو يجي لعندي باسني في فمي : صافي انخليك تنعسي دابا ولكن الايام جاية منضمنكش ...صافي هو تكا و انا تكيت عليه و حشمانة و داني نعاس ...فقت صباح ملقيتش انور نضت لبست واحد البنوار دالحرير بالكرونة منعرف فين كان هادا البارح بديت كنتمشا بزز : ااح اي اي اااح ..دخل انور: حبيبة فقتي ...انا شفتو و حنيت راسي حشمت و هو يجي عندي: وينو الاميرة ديالي صابحة منورة ....باسني فمي : يلاه احبيبة لبسي باش نهبطو نفطرو راه حويجك لهيها لبسيهم يلاه نهبطو ...بقينا واقفين هاكا مسمرين نشوفو في بعضنا انور: مغتلبسيش ؟ انا: ههه بيانسير ماشي قدامك انور: لا عادي اصلا شفت كلشي انا: لا لا منقدرش غير خرج انور: علاش انخرج انا بغيت نشوف كيف كتبدلي انا كنهدر من تحت سناني: انور صافي خرج هو يقرب ليا ومبتاسم و حل ليا البنوار: انا لي غانبدل ...محس براسو تالقا راسو برا وسديت عليه هو بقا كيضحك و انا دخلت كنكر : اويلي هادا مكيحشمش وجهو مقزدر اووف ...مشيت دوشت بعدا عاد خرجت و هزيت ديك الكسوة بالكرونة حد ركبة عندها سميطات هابطين على الكتاف و نص بوت بالكرونة و الكحل و شعري درتو بوكلي ودرت بوندو بالكحل ودرت مكياج خفيف و خرجت لعندو ملقيتوش هبطت لتحت لقيتو كيهدر معا شي راجل هو ومرتو مشيت عندو سلمت عليهم جلسنا كاملين نفطرو كل واحد واش طلب و هما كيهدرو فشي حاجة الخدمة مفهمتش انا بنادم عرسو ليوم و كيدوي في الخدمة اووف كنحس بشي حاجة كتلعب ليا في فخدي جيت نطل و انا نلقاها يدو و انا نقرصها بضفاري دار واحد تعبير فوجهو بلي راه تقصح شديت الضحكة غير بزز هو يدربني لرجلي و انا نرجعها ليه و هي تنوض الحرب تحت الطابلة على شوية كنا غنقلبوها حتى ناضو الناس انور: اييييه نتيي علاش قرصتيني انا : نتا لي تحرشتي بيا انور جر ليا بزولتي حتى شعل فيا ضو : هدشي كلو ديالي انا: اااح اييي راك قصحتيني انور: المهيم احبيبة وجدي راسك غدا غنمشيو الباريس (غميزة )....اناااا طرت عليه بتعنيقة : واااو كيفاش عرفتيني كنحماق على ديك المدينة واااو متخيلش فاش كنمشي ليها مكنقدرش نعس انور غمزني: حتى حنا مغنعسوش انا: اويلي واش غير هادشي لي كيدور في راسك نتا انور: اصلا من نهار شفتك و غير نتي لي كدوري فيه ...انا حشمت زعمة ههه المهيم قدينا هاد النهار في الاوطيل مادرنا والو طبعا حيت غدا عندنا طيارة صافي الغد ليه جمعنا حوايجنا و انطلقنا وصلنا لديك المدينة لي كتسما مدينة الرومنسية واخا كنجي ليها مع البنات مي ماشي فحال دابا مع حبيبي انور صراحة داز عندي احلى ايام مع انور ضحكنا لعبنا تخصمنا تصالحنا معرفتش فين كان هاد الوقت كامل مخليني هنا دوزنا تقريبا شهر تما ورجعنا المغرب و هنا غيبداو المشاكيل اول حاجة درتها فاش جيت المغرب مشيت عند بابا سلمت عليه و قالو ليا بلي داو حوايجي لدارنا و مشيت مع حبيبي لدارنا وصلنا لواحد العمارة طويلة دخلنا و طلعنا في السانسور وصلنا لواحد الطابق فيه ثلاثة ديال البيبان مشا انور لباب الوسطاني و انا غير تبعاه حل الباب انا دخلت بانت ليا ديك شقة زوينة و مجهزة زوين مي صغيرة بزاف قدها قد المراح ديال دارنا انور دار عندي: مرحبا بيك احبيبة في دارك انا درت ليه واحد الضحكة صفرة و دخلت و بديت كندور فيها كان فيها مراح و كوزينة و 3 بيوت و مكينينش الخدمات انا: حبيبي مكينينش الخدمات انور كيضحك : ههه اتعت الله انا وياك اش خاصنا بشي خدامات (عنقني) انا اصلا باغي نعيشو غير انا وياك و نديرو علمنا الخاص بينا انا ونتي انا كنقرب: غير انا ونتا؟ انور كيقرب :ايه غير انا و نتي ....ودخلنا في قبلة عميقة و انا نبعدو: وشكون لي غيطيب لينا ...انور: مممم حبيبتي كتفكر غير في كرشها ماشي مشكيل نجيبو الماكلة من على برا بينما تعلمتي(غمزني) انا :لا راه مكنعرف ندير والو انور شد ليا يدي: و لكن انا بغيت ندوق الماكلة من هاد ليدين(باسهم ليا و باس ليا فوق راسي)يلاه احبيبة انا غنمشي لخدمة دابا تهلاي ليا في راسك

 انا: ااه وخا و الغدا انور: هههع متخفيش غنجيب معايا من برا ههه يلاه حبيبة بيزو ...هو خرج و انا مشيت كنستكشف المكان الاثاثنا مبيهش نمشي نشوف بيت النعاس لقيتو مفرش بطريقة زوينة و البيت مزيج مبين الكحل والكري و الحمر بواحد شكل زوين بقيت ندور و كنفكر بلي هاد دار هي لي غتولي دارنا و غتجمع ولادنا ياي الايام لي غتجي غتكون زوينة بزاااف دازت ايام و اسابيع و قررت نولي تانا نطيب و نقابل داري ساعا تاحجا مكتزدق ليا ديمن كيجي انور كيلقاني في مشكيل مع الطبخ مكيزدقش ليا واخا كنتبع المقادير و الخطوات بالحرف مي الغالب الله كتى كيجي هو و كيلبس طابلية تاهو و كيتخشا معايا في الكوزينة و كنبداو طيب يا ما طيب قطع يا متقطع عمرتيني نعمرك حتى الاخر كنخرجو بنتيجة هعع و كيطلع داكشي بنين واحد النهار كنت جالسة في داري لابسا سايا بالغوز حد ركبة و ديباردو بالبيض مع كان صهد و ديرا طابلية و جالسة كنجرب في الكوزينة حتى كنسمع الجرس هادا مغيكون غير انور جا بكري مشيت كنمسح يدي بالفوطة و مشيت نحل غير حليت و انا نلقا البنات طرت عليهم بتعنيقة هما يبعدوني مريم: اووف اش هادشي لابسة ليلى : ويلي متقوليش ليا عيشا هنايا انا: اه و كنحس براسي كنت ضايعة قبل من نتلقا بيه هاد الدار ديالنا جمعا احلام زوينة ة كنسعاو نحققوها سلوى: مممم هو لي قالك هاد الهدرة انا حشمانا و هزيت راسي بااه مريم : سعدااااتك ...وهو تنغزها سلوى : مممم مكنشوفيش راسك اصوفيا كي وليتي انا كنشوف راسي : مم كيوليت مفهمتش؟؟ سلوى: ردك خدامة عندو اولى و الخدامات حسن منك بعدا كنخلصوهم واش لهاد درجة معندوش الفلوس باش يجيب ليك خدامة انا: لا لا ماشي هاكاك انا بغيت نطيب ليه ليلى: نو نو حبيبة شوفي كيف كنتي في دار باباك كنا كنخرجو و كلشي دابا نتي مقابلة دار وهو فين اكيد كيضحك و كيلعب بفلوس باك انا شداتني البكية: لا لا انور ماشي هاكا سلوى: كلهم كدابا كيوهموك بشي حاجة في الاول هو فاش غيتمكن من شركة و غيستولي عليها غيردك خدامة عندو هادشي الى مجراش عليك برا مريم: و شوفي دابا باقي ماكين والو من هادشي و ممخليكش تخرجي و مغيقدرش حتى يسدد ليك الحاجيات دياولك سلوى: ديه معاك لتسوق و حط يديك على شي لبسة غالية و شوفي واش غيشريها ليك يلاه احبيبة بسلاما نمشيو قبل ما يجي و نديرو ليك المشاكيل ....انا بقيت جالسة في بلاصتي و هدرتهم كتدور ليا في مخي.....ليلى: زعما هاد العبة غتفرقهم سلوى: نو نو هادي غير شي حاجة صغيورة من داكشي لي غيوقع لما نخلي انور يبكي الدم راني منتسماش سلوى مريم: حشومة عليك ديري فيه هاكا بالعكس خلي ديك صوفيا لي تبكي الدم تفو شحال مكنحملهاش ليلى : ويييه طالعا السما سلوى: هههه غير خليو هديك كنفكر نبيعها لشي شبكة امارتية بعد الموت ديال سي انصاف ليلى: غنموتو حنا و داك شارف مغيمتوش سلوى جبدات شي تقارير: هههه لا حبيبة متخفيش كلشي ضاربا ليه حساب و داك شارف قريب يموت حيت فيه ورم في دماغ و دكشي لاش باغي ينقل الملكية لراجل بنتو انور مريم: واو واو دونك خصنا نفرقوهم دغيا باش نفردو صوفيا سلوى: متخفوش صوفيا فحال العجينة في يدي .......جا انور مع الغدا انا كنت في الكوزينة و ساهية في دكشي لي قالو ليا البنات جا وعنقني من الور: ممم اش موجدة ليا الحبيبة ديالي ...انا درت ليه ضحكة صفرة: هادشي مكيزدقش كيف العادة و انا مغنبقاش نطيب كنحس براسي وليت فحال الخدامة فهاد الدار انور خنزر وشد ليا من يدي: اش هاد الهدرة كتقولي نتي انا نترت دراعي منو :كيفما سمعتي انا عييت و لكنتي مقادش تجيب ليا خدامة انا غادي نطلب من بابا هو يجيب ها ليا حيت هادي ماشي مشكلتي الى كنتي نتا فقير انا غنية انور :صوفيا( غوت و خرج فيا عينيه و هز عليا يدو كان شوية و غيضربني) انا درت يدي خفت و دورت ضهري و مشيت نبكي في بيتي اصلا انا مقلت ليه والو يخليه يغوت عليا و لا يبغي يضربني حشومة عليه بابا و مغوتش عليا مغنهدرش معاه اهيء اهيء البنات كان معاهم انا مغنبقاش معاه اهيء اهيء تلاحيت على نموسية و بقيت كنبكي حتى نعستفقت معرفتش اشمن وقت بضبط لقيت راسي مغطية ونضت : اووف شحال في الساعة انور شعل الضو و جاي كيضحك و هاز في يدو كرطون ديال بيتزا : حبيبة فقتي دابا 6 انا معصبة: حتى حد ماسولك ؟ انور حط داكشي حدانا و جا جلس حدايا و كيمسح ليا في شعري: باقا مقلقة مني انا حيدت ليه يديه : كنتي باغي تضربني و كتهدر انور: ههه لا لا حبيبة انا نضربك لا لا منديرهاش يلاه جبت ليك بيتزا باش تكلي انا: مبغيتش انور: لا لا خصك تاكلي انا: مفياش الجوع ( وهي تفرشني كرشي )انور: ممم نتي و لكن كرشك عندها هدرة اخرى يلاه حلي فمك انا لي غنوكلك انا ساداه : مممم...هو حل ليا فمي دخلو انور: هههه هاكا دابا وليتي زوينة مهيم راه غدا غتجي لحبيبتي خدامة ...انا درت عندو: بصاح ...انور: هعه و شنو بان ليك نتي ...و انا نعنقو : نتا احسن زوج في العالم كامل ...

انور: مممم كنتي قلتي ليا ول بارح بغيتي تديري شوبين انا: اااه و قلتي ليا تتكون مسالي انور: هههه ها انا مسالي و غنمشيو و غنتعشاو برا من الفوق ...انا نضت: ياس ياس انا غنمشي نوجد راسي ..و كنت غادا و رجعت بستو في فمو ...انور: ناريي غتنودني ليك ...انا: ههه نو نو دابا مشغلين تال من بعد انور: ونتي لي جبدتني ...انا: لا لا عفاك تا ليل ...انور: ههه يالاه سيري في اليل راك مغتنعسيش ....المهيم مشيت لبست عليا واحد كلسو دجين لاصق و تيشورط بالبيض و فوق منها واحد طريكو الطويل بزرق و صبرديلة بالبيض حبيبي لبس سروال دجين و تيشورط بزرق و صبرديلة وخرجنا في اجواء زوينة دضحك مشينا المول بقينا كندورو و نقيس هادا نجبد هادا ة انور غير كيخلص حسيت بيه مل شوية و هي تبان ليا واحد سواري كحلة قصيرة بزاف ديال لي ديسكو شفت لو بري لقيتها بجوج دالمليون و انا ندور عند انور اكيد مغيشريهاش ليا غتجيه غالية انا: حبيبي انور ناخد هادي ...هو طلع فيها و هبط : لاء قصيرة بزاف انا : ولكن ....انور: لاء ....هدرت سلوى على حق هو ميقدرش يسد الحجيات ديولي صافي خرجنا من تم هزيت المكات دياوليو طلعنا في الاوطو انور: ممم جبيبة انخرجو شوية من روتين ديال المطاعم الفخمة و داكشي انمشيو لدوك المطاعم الشعبية نديرو مغامرة تما انا: شنوو لا امبوسيبل نمشي لشي بلاصة شعبية انور: ههههه حبيبة انا ويلك غنجربو كلشي ههه انا: لا لا دكشي منقيش و غنعيف و غنمرضو انور: هههع لا لا ماشي تال ديك الدرجة او انا غنديك واحد البلاصة اتعرفي فيها ماكلة جديدة ....اوووف عادشي لي بقا ليا منين ماقدش يعشينا برا نبقاو غير في الدار علاش دابا غيمشي بيا لوسخ اوووف ....وصلنا لواحد البلاصة المهيم ماشي مسخة مبيهاش و كينين الناس بزاف هنا و صداع دخلنا لواحد المطعم عامر و صغير و كلشي كيهدر و الماكلة فشي شكل اووف اش هادشي شوية جا واحد الراجل شارف عند انور : سلام اولدي تفضل تفضل سلام امدام(وضحك و معندوش سنان اووف) مشينا جلسنا في واحد الطبلة انور: مزيان المطعم ولا خدام مزيان داك الشارف: هدشي كولو بفضلك اولدي كنشرك بزاف و حتى نورة ولات مزيانة و الله اولدي خيرك عمري النساه غيجزيك الله من عندو (حط لينا الموني و مشا ) جات واحد المرا كبيرة تهيا في العمر و بغات تبوس ليه يدو وهو يبعدها انور: لا لا ماديريش هاكا ديك المرة كتبكي: شكرا اولدي بزاف انا بغيتك عمرك تشوف النهار لخيب في حياتك انور: لا لا مادرت والو هادشي كامل بفضل الله سبحانه و تعالى( عنقاتو و مشات انا: ممم اش درتي ليهم باش خليتهم بغاو يديرو ليك ثمثال انور: هههههه هادو مساكن كانو فقراء بنتهم كان فيها الكونسير و عندهم ولد شاد الاجازة ايكونومي و مخدامش و معندهم باش يعيشو و لا يكلو ولا حتى باش يعالجو البنت و كاع البيبان تسدو في وجهم و ديك البنت الصغيرة المريضة كانت سميتها نورة عندها 8 سنين كتسعى في البرد انا عزت عليا و بقيت كنهدر معاها و قالت ليا بلي عائلتها كاملة كتسعى معاها باش يجمعو ليها فلوس علاج ديالها انا مشيت شفت الوضع البنت سفتها لفرنسا كتعالج عند واحد صاحبي اخصائي و لحسن الحظ كان في البديات ديولو و تعالجات و رجعات عند وليدها و دري هدرت معا خويا يخدمو معاه و شريت ليهم هاد المطعم و الحمدالله كلشي غادي مزيان .......انا بقيت كنشوف فيه باعجاب بغيت ناكلو بعيني انور: ههه مالكي كتشوف فيا هاكا انا عضيت شفايفي : خبارك مشهيا ناكلك دابا انور: هههه شنو هادا تحرش انا طلعت رجلي معاه: ااااه عندك شي مشكيل هو حل يدو: لا كلشي ديالك و لكن ماشي في القهوة تنمشيو لدار هههع نكلو دابا ....انا جبدت الموني نشوف شنو ناخد مفهمت والو انا: حبيبة شناهو باولو انور كيقرا في الموني: هو ديال الحولي (هو راه خسر الهدرة انا قديتها ليكم) انا ضربتو بالموني : ايييه كون تحشم انور: ايييي و نتي لي بغيتي تعرفي انا: وووووخا هكاك متقلش ليا هاكا انور: دابا شنو غاتخدي انا: ببي بي سارة انور: بيصارة ؟؟ لا لا بلاما تشري هادي انا: علاش لا زوينة انور: ديقاها؟؟ انا: لا ولكن سامعة بيها بغيتها انور: لا لا بلاش انا: علاش واش غالية مقادش تشريها ليا ( انور طلع فيا راسو و كيشوف فيا باستغراب ) انور: بغيتيها واخا دنبك على راسك سي حسان جيب واحد بيصارة و انا غير قهوة انا: غتعشا بقهوة (يمكن معندوش الفلوس الفقير لاخر)انور: لا لا خصني قهوة حيت اليومة غنصهر(علاش واش على قبل سيكس مممم منعرف ) ...جابولينا داكشي شفت ديك البيصارة بانت ليا كتشهي ضربت المعلقة لولا عجباتني و انا ندخل فيها وانور غير كيشرب القهوة و يشوف فيا شوية ناض لطوليط و انا استغليت الفرصة و طلبت من داك حسان يزيدني و هاد المرة هزيت الزلافة و شربتها باش ميعيقش بيا ...صافي بغينا نخرجو مشا انور يخلص جبد ليهم بزاف ديال الفلوس (اوو البيصارة غالية لهاد دراجة ) داك الراجل و ديك المرة بقاو كيدعيو معاه صافي طلعنا للاوطو

الكاتبة Oumaima