عــــشــقـني مــشــرمــل

الجزء الأول : السلام عليكم انا اسمي أسماءعندي 22 عام مغداش نطلقها عليكم بالكدوب و نقولكم لواه انا فيا ميترو و سبعين لواه عينيا خزيين لواه كدا نجيكم نيييشان أنا زوينة و زيني عاااادي سمرة و فيا ميترو و اثنين و ستين فورمتي عاديا الحاجة الوحيييدة اللي فيا واعرة هيا عينيا كبار و كحلين و الشعر كحل طويييييل كنعيش وسط أسرة كتكون من اب و ام و اربعة الخوت جوج بنات و جوج ولاد خوتي كبار قد البغال واحد سبعة و عشرين عام و الآخر ستة و عشرين و اختي 19 عام الحمد لله معندناش و مخاصناش الواليد مسكين كيضل يتقاتل باش يوكلنا و يلبسنا انا و اختي و ماما طبعا اما البغال مكيعتقهمش ب حتى درهم كيقوليهم نعرفكم غي بالماكلة اما الشراوت شريوهم ولا جلسو عريانين المهم حنا ساكنين ف واحد الفيلاج كبييييببيبر بقات لينا غي واحد المائة و عشرين عام و يولي مدينة كنت كنقرى ف الجامعة ب مدينة القنيطرة دوزت فيها ستة شهور و خرجت من القرايا جيت لدارنا ب صراحة مكنحملش القرايا و الكتوبا و كنحماق على الماكياج و تجباد الشعر و التزيار و خا معنديش شي فورما نيت كنت كنبان وااااعرة حيت تندرب غي البياس الواعر اللي كيشري ليا بابا و اللي كيصيفطوه ليا بنات عمامي من فرنسا وخا هكاك متوااااضعة ههه و اجتماعية بزاف و ضحوكية بلا قياس ولاد الفيلاج كاملين عزيزة عليهم وكاين اللي مكيحملنيش حيت رافضة نتصاحب معاه عندي غي نيشان من هاد الناحية نو تصاحيب نو صداع الراس فقط الماكياج و اللباس و بطبيعة الحال الصلاة وخا يا ربي تسمح ليا نهار نصلي و يوماين لا المهم مفكرا الله و الموت ديما ف بالي مكنعس حتى كنشهد و نقرى آية الكرسي عايشين احسن عيشة مفاهمين الحمد لله الأسرة ديالي من النوع اللي مكنعسو حتا كنديرو حيحة بالضحك و التقشاب مع بعضياتنا عندي جداتي ام الوالدة ساكنة حتى هيا ف نفس الفيلاج كنحماق عليها كنا عايشين السعادة حتال نهار غتوقع الواقعة جا بابا ف الليل من الخدمة دوش و قال لماما تسربي توجد العشاء حيت خاصو ينعس عندو الخدمة غدا وجدات ماما العشاء دخلو خوتي حميد و أحمد وجدت الطبلة انا و اختي سارة تجمعنا تعشينا في جو كلو ضحك سالينا لعشا كل واحد مشا لبيت ينعس انا طلعت نعس ف البيت اللي ف الصطح حيت تما كتشد ليا الكونكسيون مزيان بقيت مكونكطيا واحد الشوية و نعست فيقني شي تقرقيب فوق القزدير ديال البيت خفت ليكون شي شفار


الجزء الثاني : خفت ليكون شي شفار كانت داك الساعة شي الوحدة ديال الليل صونيت على خوتي والو تا حد مبغا يجاوبني البغال نعاسهم تقيل اما اختي قالت ليهم متعرفوش ف النعاس شوية كنسمع صوت مش تفووووو طيرها مني خلعة درت بناقص من داك الصطح قلت غنهبط للدار و نعس مالي على هاد الرعب نيت البرد هادا تميت هابطا مع حليت باب الفصيل حتى ضرباتني ريحت البوطا شعلت الضوء مشيت كنجري نيشان للكوزينة لقيت البوطا ديال الشوفو شاعلا الريحة مجهدة سديتها و حليت الشراجم مشيت للصالة فين ناعسين خوتي شعلت عليهم الضوء كنعيط عليهم مجاوبونيش مشيت تنغز فيهم بان ليا خويا احمد خارجا ليه الكشكوشة من فمو عرفتو الغاز غوت لربي اللي خلقني كنصرفق فيه اويلي اش هدشي و حتى خويا حميد سمعني غوت و مبغاش يفيق لا لا ميمكنش كنحرك فيه واااالو واااااااااااااااااا بابااااااااااا مااااامااااااا عتقو الرووووح تصدمت تا حد مكيجاوبني مشيت للبيت ماما بابا والووو كنحركهم بحالا كنحرك الحجر ختي وليت كنغوت سارة لاااااااااا لقيتها طايحا ف الارض لا اختي فيقي حليت باب الدار و غاديا كنجري للمجهول و كنغوت الدراري كانو مجمعين برا سمعو الغوت و انا ف داك الحالة نص لحمي عريان و تنجري تدهشرو وصلت حداهم و طحت ، اسماء مالكي دوي واااااا اسماء مالكي نطقت ثلات كلمات عتقو دارنا البوطا خلاوني مليوحا ف الارض كلهم تشتو مشااااو كيجريو هادشي اللي كنظن حيت هادي هي اخر حاجة فكرت فيها قبل منغيب..... حليت عيني لقيت الصباح داز شوية الوقت بنما استوعبت شنو كاين قفزني صوت عمتي ولكن اش جات دير هنا اه صافي راه وصلو ليها االخبار دغيا. عمتي: بنتي / انا : عمتي اهئ اهئ والديا و خوتي اش وقع ليهم / عمتي : على سلامتك غي ملي فقتي ابنتي انا : قولي ليا كيف بقاو عمتي : داوهم للسويسي يالله زيدي قدامي نتبعوهم وقفت قلبت على جلابتي لبستها و سولت على جدة قالو ليا تبعاتهم للسويسي مع جينا خارجين تلفون عمتي تيصوني كانت شي الستة ديال الصباح عمتي : الو خويا... الله و اكبر الله اكبر عاوداتها شي عشرة المرات انا من هول الصدمة مدرت حتى ردت فعل جلست فالارض و حطيت يدي على قلبي كنتسنى نسمع الخبار :-


الجزء الثالث : كنتسنى نسمع الخبار عمتي طاحت على ركابيها و عنقاتني وبدات تعدد و تبكي و تنوح و تقول : الله يا بنيتي الله و كندير نوصل ليك هاد الخبار صبري يا حبيبتي بغاهم الله و داهم الله يا بنيتي و بقيتي وحدانية الله يا بنيتي و كيديري تصبري. انا: لا رد فقط اكتفيت بالصمت خليتها معنقاني و تبكي اه هادي هيا عمتي اللي كنا نقولو بكاها حنين و كتعرف تنوح ولكن عمري متخايلت راسي غتبكي ليا ف ودني و تدخل أسامي أسرتي ف نواحها دارت بيا الذنيا و تلفت العائلة كانو منهم شي وحدين معانا ف الدار الناس رادين بالهم معانا سمعو البكا كلشي جا تكيت فالارض و و عنقت يدي بجوج اخر حاجة شفتها وجه عمتي مكنسمع والو كنشوف فمها كيتحرك و العيالات كيرشو عليا الماء غيبت فقت حتال الليل الضواو مجهدين انا : مي. جدة : وليدي كيبقيتي ؟ انا : مي ترزيت فيهم اممي ترزيت فيهم كاملين وا ممي الحبيبة بقيت بوحدي اميمتي جدة : لا ابنيتي قولي انا لله و انا اليه راجعون. }وقل ما يصيبنا الا ما كتب الله لنا } انا : الله الله و نعمة بالله ااااااااااااه يا رب جدة : لا ابنتي سكتي متغوتيييش و متعصبيش راه قال لينا الطبيب طلع ليك السكر سكتي ابنتي ليزيد يطلع ليك و تخليني تانتي دخلو العائلة لعندي كلشي جا للسويسي معرفت واش باش يشوفوني ولا يشوفو الاسرة اللي مشات ف رمشة عين انا : بغيت نشوفهم..... هبطنا للبلوك لتحت بلاصت الموتى كانت الصدمة اكثر ملي شفت ميمتي الحبيبة اللي كان خاصها تكون كتقولي حيدي داك البورطابل غيخرج ليك على عينيك و بابا الحبيب اللي فينما يدخل يجيب ليا الزريعة و كنبقاو ندابزو عليها انا و اختي الكبيدة اللي معمرها تعاود فالذنيا حتى كيجي خويا حميد يسرقها لينا و نمشي نشكي بيه لبابا و يقولي بيناتكم و ينوض خويا احمد قرة العين يخرجني انا و ختي و يشري لينا الدوبل ديالها


الجزء الرابع : يشري لينا الدوبل ديالها دوزت هاد الذكريات بيني و بين نفسي فالوقت اللي كنت كنقبل الجبين ديال كل واحد فيهم دموعي بقاو فوق عوينات ميمتي ااااااااه يا الحبيبة الوقت اللي كنودع فيه احبابي كانت العائلة واقفة ورايا كل واحد كيتسنى الدور ديالو باش يدير طقوس الوداع خرجت  من باب البلوك متسنيت حتى واحد شديت ف خالي و تحركت ركبنا ف الطوموبيل و بقاو بعض من عمامي و خوالي يكملو الوراق باش يخرجوهم فالصباح للدفن وصلت للدار لقيت الخزاين مبنيين ولاد الحومة و ولاد المنطقة كاملا جاو كلشي كيعاون الناس موجودين يستقبلو الفرد المتبقي من هاذ الاسرة اللي رزاتهم بوطة فعمرهم نزلت كاين شي وجوه مكنعرفهمش كيبوسو و يعنقو و يعزيوني ف حبابي مبقيتش كنحس لا مشاعر لا احاسيس فقط فراغ والم فالرأس جاو الدراري كيعزيوني هاديك الكلمة ديال البركة فراسك شحال كرهتها دري ورا دري اللي كنعرفو كيبكي و اللي مكنعرفو ساكت و جاي يدير الصواب سلم عليا واحد فيهم عرفتو من وجهو امين ولد الحاجة المعروفة بالدكالية سبع سنوات ديال الحبس كانت كافيا باش تردو شخص آخر بحجم خيالي دار ليا اشارة براسو فقط فهمت منها صبري الام ديالو كانت جارتنا و صديقة ماما امرأة أرملة موقرة ذات بنية قوية واقفا على الصح عندها غي الذكورة 3 كافحات عليهم و امين خرج ليها من الجنب جمع البلية كلها دخل الحبس دري و خرج راجل عمرو ضيعو الام ديالو لقيتها جالسا مع خالاتي و عماتي عاكسا راسها بجوج درات و دايرا يديها وراء ضهرها و دور و تعدد و تغوت على ولادها يعاونو فالعزاء


الجزء الخامس : عكسو ليا راسي و انا غي ساكتا كنشوف فالناس كي الهبيلة حتى جات عمتي صرفقاتني عمتي : غوتي بكييي و خرجي اللي فقلبك و عمري قلبك بالله الله احسن منهم بغاهم داهم متبقايش ساكتا السكر طالع ليك مترديش لقلبك دبا يطرطق ليك شي عرق فراسك انا مبقيتش كندوي كلشي تخلع جاتني اللقوة اولا الصدمة اولا انا متعمدة منهدرش مبقيت عارفا والو حاجة وحدة بيني و بين نفسي مكنفكرش نهدر بحال شي واحد كيفهم الفرونسي و ميعرفش يهدر بيه صقلت داز الليل هكاك بكا و نواح شي ناعس و شي فايق انا معرفتش كفاش كنت دخلت لواحد البيت و غطيت راسي بالمانطا و حالا عيني حتى جاو خوالاتي و عماتي عند راسي يحسابليهم ناعسا حيدت خالتي الكاشا لقاتني كنشوف جلساتني ودارت وجهي وسط يديها خالتي : شوفي هادشي كتبو الله معندك مديري عمري قلبك بالله و دعي معاهم بالرحمة و المغفرة حتى حنا ضاعت لينا ختنا و صابرين و لكن حاسين بجزء من الالم ديالك نوضي راهم جايبينهم فالطريق باش تودعيهم انا : الصمت وقفت من بلاصتي بلا ميشدني حد عاودت زيرت العكسة و خرجت عند العزايا عائلتي واقفا ف جنبي مخلاونيش بحدي جاو جوج ديال لابيلانص حلوهم ليا فهاديك اللحظة جدة مسكينة سخفات دايرينهم فالصنادق الموتى حطيت يدي عليهم بعد عدة ثواني جريت يدي لعندي و بعدت جلست على واحد الكرسي حتى واحد ما استغرب من ردة الفعل ديالي اللي كلها برود لانه كلشي عارفني مصدومة الناس كلها كاتبكي الزنقة عمرات و التيرة اللي حدانا عامرة ناس و طوموبيلات سالا الوداع اخر نظرة اخطفتها كانت ف صندوق ختي سارة. الحاجة الدكالية ولات كتمرغ فالارض عادي حيت مشات صاحبتها و ختها جا هزها ولدها أمين و دار فيا واحد الشوفة اللي معمرها تنسات ليا قلبو قاصح وتقول دمعة طيحها كمارت الحبس دخل مو لدارنا و مشا كيجري تبع الجنازة....


الجزء السادس : و مشا كيجري تبع الجنازة...... اليوم الاثنين داز شهر على الجنازة مبقيتش شفت الزنقة كيف دايرا ريحتي ولات كيف الكلب مبقيتش كنبغي ندوش ولا نهدر مع شي واحد دارنا مزالا عامرة بالعائلة والحاجة الدكالية جلسات معانا فالدار ف هاد المدة دارها لاسقا مع دارنا كانت تمشي  تصبن لولادها و تقاد ليهم مياكلو و ترجع. داك النهار فالليل حلمت بماما واقفا عليا فالمنام بحالا مريضة ملي كنبغي نقرب ليها كتهرب مني سولتها مالكي قالت ليا متبقايش حازنا علينا و تبكي علينا راك عدبتينا ببكاك تفكرينا بالصدقة ماشي بالنواح و عطاتني بضهرها بحالا غضبانة عليا فقت مخلوعة لقيت خالتي جالسا حدايا خالتي : اسماء حتالين غتبقاي هكا? مكتهدري متاكلي و غي سادا عليك ؟ انا : جمعي ليا حوايجي بغيت نمشي للحمام خالتي :( مصدومة حيت هدرت) عنقتني و باستني هكا نبغيك  احبيبة هيا اللولة خمسة دقايق و نكون جامعا كلشي و فعلا خالتي مسكينة بالفرحة جمعتهم فأقل من الوقت اللي قالت خرجنا من الدار بلاما يشوفنا حد بناءا على طلبي مشينا الحمام اللي شافني كيجي يسلم عليا بحالا عام وانا غايبا دخلنا للحمام خالتي مسكينة تحامات عليا هي و مي زينة الطيابة فركوني مزيان حتى تقطع ليا الوسخ خرجنا لبسنا كانت داك الساعة يالله وصلات 9 ديال الصباح مع الخرجة خارجين حتى عيني كتجي ف امين واقف مع الدراري شافنا و تم جاي لعندنا سلم على خالتي و دار عندي أمين : أسماء لباس ؟ أنا : جاوبتو غي براسي زعمى لاباس بقى كيشوف فيا مدة و هو يقول لخالتي اري نهز عليك الصطولة اخالتي قالت ليه لا اويلي حشوما عيا معاها مخلاتوش صافي و مشى ضارت عندي خالتي : اسماء هدا هو الصواب السيد كيسول فيك و انتي كتحركي ليه راسك انا : انا رديت ليه غي الصرف نهار الجنازة الناس برانيين كيعزيوني و هو اللي ولد جارنا حرك ليا راسو و مشا بالحق هو من صغرو و هو مخول و مصوفج خالتي : و اللله كون شفتي شحال بكا فالجنازة متقولي هكا وقف هو و خوتو ف الشقاء كااامل تقولي هوما مالين الدار......


الجزء السابع : وصلنا من الدار لقيت الحاجة الدكالية كاينا فالدار مع العائلة غي شافتني تلاحت عليا تبوس و تعاود مسكينة عنقتها و صبرتها انا : من اليوم مبقيتش باغيا البكاء ف دارنا باش منعدبش والديا و خوتي غنحاول نبدل حياتي للأحسن و كنتمنى توقفو جنبي. كلشي عجبو كلامي وخا الجرح باقي مبراش ولكن هاذي هي سنة الحياة ماما عندها الحق مدرت والو فهاذ الشهر من غير البكاء مصدقت عليهم عليهم مترحمت عليهم حتى الدعاء هو الآخر مدعيتوش معاهم كانت باقا 10 ايام و توصل الربعينية غنديرو صدقة و يبنيو على القبر دازت الايام دغيا وصلات الصدقة تجمعات العائلة كلها عمام و خوال و اولادهم و بناتهم مشاو الرجال بناو على القبور و جاو درنا العشاء للناس جاو الطلبة كلاو الناس و شربو و مشاو بقات العائلة فقط و الحاجة و ولادها امين الحباس مشفتوش مكانش تجمعو كاملين فالصالة عيطو ليا دخلت عندهم جلست حدا جدة تم داخل خالي و معاه جوج رجال لابسين جلالب بيضين جلسو و جبدو شي وراق قاليهم خالي يالله اسيدي على بركة الله سولت شكون قالو ليا العدول انا : ولكن اممي علاش جايين العدول جدة: غي صبري ابنتي هانتي غتعرفي كلشي. العدول : سيادنا واش كلشي موافق على هاذ الامر. كلشي : اه اسيدي عاود سولهم بالواحد كلشي قال اه موافقين كتب العدول ف واحد الورقة شد لاكارطات من عندهم قيد منهم و عطاهم سناو خالي شد من عندهم الورقة و عطاها ليا ف يدي انا مفهمت والو قريت الورقة لقيتو تنازل على الدار ولات بسميتي عيني غرغرو بالدموع و عطيتها للبكا بحال الدري الصغير لان حسيت بالدفء العائلي عائلتي خوالي و عمامي متخلاوش عليا و تنازلو ليا على حقهم فالدار لانها كانت بسمية ماما و بابا قلبوها ضحك و كل واحد كيعاود على الحكايات ديالو صبح الصباح فقت توضيت و صليت رتاحيت بزااااف شحال متقربت من الله دعيت مع اسرتي بالرحمة و المغفرة خرجت للصالة عندهم لقيت شحال من واحد من العائلة مشى خلاو ليا شي بركة ديال الفلوس


الجزء الثامن : خلاو ليا شي بركة تقريبا 100 الف ريال عطاتها ليا خالتي. بقات عمتي و بناتها صغار و خالاتي بجوج و ولادهم جدة مشات مع خالي حيت مريضة و متبعة مع الطبيب دارو الغداء قربو يحطو قاليك نتسناو حتى تجي الحاجة مسكينة ولكن تعطلات قلت لخالتي انا غنمشي نعيط ليها تجي مشيت لقيت باب الدار محلول بحال العادة حيت ديما كينساو السوارت و قتلوها ب حل سد ولاو يخليوه مردود دفعت الباب و دخلت انا : خالتي خااالتييي كنسمع صوتها بعيد و شميت واحد الريحة ديال الرجال واااعرة مع درت بان ليا امين متكي على الباب كيشوف و ساكت الله شحال زوين اول مرة كنحقق ليه فوجهو زوين بزاف و تشرميلو مخلي الناس ميشوفوش ليه فوجهو سمر بزااااف و عينيه حرشين يعني مشفرين و كبار و حجبانو غلاض و فمو زرق بالقارو و البلية و عندو سيكاتريسا ف وجهو مبودر و مقلضم اغلب لباسو تونيات كحلين بلومارين اولى رمادي و سبرديلات ولا بلغة فارض راسو فالدرب و ديما داير الشوها و ديما مطايف و ديما هاز واحد الجنوي صغير ف تقاشرو فيقتني هدرتو من احلامي امين : خالتك راها فالصطح كتصبن. مجاوبتوش و ضرت تميت طالعا من الدروج حتى شدني من يدي امين : علاش فينما نهدر معاك تقمعيني و متجاوبنيش انا : الصمت امين : هدري انا : طلق مني نترت ليه يديه و طلعت لخالتي فالصطح هبطت معايا مشينا تغدينا سالينا الغدا و خالتي قالت : بنتي اسماء بغيناك تمشي معانا انا ولا خالتك ولا عمتك تسكني معانا ختاري وحدة فينا و متخافيش حتى وحدة مغتقلق الى مختاريتهاش نقزت الحاجة : لا اسماء غتبقى معايا انا معنديش البنات نديرها بنتي و كثر. انا : الله يكثر خيركم كاملين كنت عارفاكم غتقولو هاد الهدرة و لكن انا مقررة منخرجش من دار والديا هاذا قراري و كنتمنى تحتارموه. معند الميت ميقول قدام غسالو بعد عدة مشاداة في الكلام مع خوالي و عمامي في الهاتف قدرت نقنعهم باش نبقى فالدار و تحت مراقبة الحاجة وصلات العشية مشاو خالاتي بجوج و عمتي نظرا لظروفهم لان ولادهم كيقراو اما عماتي بجوج اللي ف فرنسا متمكنوش يجيو عندهم ولادهم كيقراو فالجامعة و مسؤوليات بزاف قدرت ظروفهم و اكتفيت بمواساتهم ليا فالهاتف و مبخلوش عليا حتى من الناحية المادية صيفتو ليا الفلوس. هادي اول ليلة نبقى بوحدي فالدار الحاجة مشات لدارها تطيب لولادها العشا بعد ما اصرات عليا نجي نتعشى معاها وافقت لانها حنينة بزااااف أذن المأذن توضيت و صلي


أذن المأذن توضيت و صليت العشاء بدلت حواجي لبست بيجاما قصيرة عادية سمعت الدقان عرفتها الحاجة مسكينة حليت كنلقاه امين : لبسي و زيدي قدامي بغاتك الوالدة تعشاي انا : واخا مشيت لحت عليا كاب جمعت شعري شفنجة و خرجت عندو لقيتو شاد القارو كيكمي امين : ساعة باش تلوحي عليك هاد الشرويطة انا : هاد الشرويطة سميتها كاب امين : على سلامتنا ملي جاوبتي يحسابليا غي تزاديتي زيزونة انا : اه نسيت معدور كون كنتي عايش هنا كون عرفتيني كندوي ولكن خسارة الحبس فوت عليك شحاااال من حاجة امين : لحظة صمت. كون كانت شي وحدة أخرى اللي خرجت هاد الهدرة من فمها كون هرستو ليها و لكن عندك الزهر. انا تخربقت ف نفسي : وييييلي حي اش قلت بغيت ندور نعتادر ليه لقيتو طار دخلت للدار لقيت الحاجة كتسناني الحاجة : مالكي تعطلتي صيفطت ليك امين يجيبك قلت البولة ديال الزنقة محروقا تخافي تجي انا : اه بالصح شكرا ولكن راه كنت كنصلي الحاجة : يرضي على المرضية بنتي الله يقبل ليك و يصلحك ابنتي انا : اميييين الحاجة : اه نسيت فيناهوا امين انا : ماعرفت وصلني و مشى مقالش ليا فين الحاجة : صافي اجي نحطو العشاء راه خوتو كاينين و هوا نخلي ليه......... يتبع

الجزء التاسع : تعشيت مع الحاجة و ولادها اللي كانو بمثابة الإخوة ديالي ضحكنا و نشطنا الدراري كلا مشا لبيتو ينعس امين مجاش لحد الآن بقا فيا الحال حسيت بالذنب مكانش خاصني نجرحو هو تعاقب و خدا الجزاء ديالو شكون انا اللي نحاسبو. بغيت نرجع لدارنا نبات فيها مخلاتنيش حلفات منبات بوحدي و قالت ليا غتباتي معايا ف بيتي حتى حاجة متخصر خاطرك يا بنت العزيزة عنقتها هاذ السيدة كدوبني بمحنتها فيا طلبتها نجيب بورطابلي من الدار و نجي وافقات بغات تمشي معايا قلت ليها طلي عليا غي من السرجم بلاما تعدبي وتهبطي فالدروج وافقات هبطت انا حليت لباب لقيتو واقف مع الدراري قبالت الدار وخا كانت الظلمة قدرت نعرف وجهو من ضوء القمر امين : دخلي الواليدة انا غنحضيها انا تزعزعت وخا قلت ليه هديك الهدرة مسوق ليا حدرت راسي و بغيت نحل باب الدار تعكس ليا الساروت ولكن بيني و بينكم البنات انا اللي مثلت عليه بأن الباب مبغاش يتحل بغيت نستاغل الفرصة و نطلب منو السماحة على الكلام اللي قلت ليه دورت وجهي لقيتو متبعني شنو كندير بلاما نحتاج نقوليه فهمني جا عندي امين : مالكي ؟ انا :الباب مبغاش يتحل ليا امين : اري داك الساروت. مطيتو ليه شدو من يدي بلاما يشوف فيا (طرق ههه والباب يتحل ) انا : شكرا و بغيت نقوليك ااا ناري على فرشة خلاني بلاكة مشى عند الدراري وخلاني دخلت بالزربة وليت ندوي غي بوحدي وييييبييلي على فرشة دار ليا الحمار نااااري والله لابقات فيه الكلب هزيت بورطابلي و سديت باب الدار مشفتش ف جنابي دخلت و زدحت الباب طلعت لقيت الحاجة مسكينة مفرشة ليا فوق الناموسية و هي فوق الارض الحاجة : هانتي ابنتي نعسي ليك فوق الناموسية و انا غنعس فالارض انا : اويلي الحاجة واش انا اللي خاصني نعس فالارض ولا نتي شوفي غنعسو بجوج فوق الناموسية الحاجة : وخا الحبيبة اللي بغيتي. تكينا و شحااال و حنا ساكتين بقيت كنفكر ف امين ولد اللذينة فرشني هههههه انا : الحاجة علاش امين دخل الحبس بالضبط الحاجة : ايوا يا بنتي اش غنقوليك امين ولدي معرفت اش وقع ليه فديك المدة بحالا ماشي انا اللي ربيت و كبرت كان حنين و درويش و كيسمع الهدرة غي حتى تسيف ولا واحد آخر ولا كيكمي و يشرب ولا مرافق مع شي كمامر مكنرتاحش ليهم متيرجع حتال الربعة ديال الصباح داك النهار انا ناعسا غي حتى جاو الجوندارم فرعو علينا الباب هزوه من فراشو مبغاوش يقولو ليا اش دار و هو كلمة وحدة
هو كلمة وحدة اللي ف فمو والله امميمتي مدرت شي حاجة تبعتو للدرك قالو ليا ولدك البارح مع الجوج ديال الليل كان مع واحد الرباعة ديال الصلاقط شفرو المحل ديال واحد السيد انا داك الساعة عرفت ولدي مظلوم حيت كان بايت فالدار دارو ليهم تكوين عصابة معطلوهمش دغيا حكمو عليهم سبع سنين للواحد حتا امين ولدي مشا ضحية حيت الصحاب الغدارة شهدو فيه كاملين. انا : بقا فيا مسكين الحاجة : هادشي اللي عطا الله ابنتي يالله باراكا عليك نعسي شوية نعسنا او بالأحرى نعست الحاجة و بقيت انا كنفكر ف امين...... يتبع

الجزء العاشر : بقيت كنفكر فيه حلف النعاس لجاني بصراحة وليت فضولية من جيهتو بغيت نعرف عليه كثر اواااااه شحال تيتيز بوقوووووص بزااف هاذ الزمو و البخصوص هاديك الضربة و شخصيتو عجباتني قوية ولكن دفع عليا كبيير و انا كنموت فاللي يدفع عليا كبير هههه كيعجبني الراجل الصعيب ماشي اللي السلام عليكم يتجاوب معاك بقيت نفكر و نفكر و نفكر حتى قررت نهدر معاه او بمعنى صحيح نطيحو و نميك عليه انا هادي هي المتعة ديالي فالحياة...... صبح الصباح فقنا فطرنا انا و الحاجة سولتها على الدراري قالت ليا مشاو المحال & حيت باهم الله يرحمو كان عندو محل ديال الزرابي ملي مات قابلاتو الحاجة نهار كبرات و تهدو ليها الكتاف زيدات الدراري الحرفة باش يهزو عليها الثقل $ انا : و امين حتى هو مشا الحاجة اه ابنتي مشى راه من نهار خرج من الحبس و هو متبع هدرتي حيت عرف الجزاء ديال اللي مكيديرش بهدرت واليديه انا : ايوا مزيان. جمعت مع الحاجة الدار وجدات الغداء دغيا وصلات الوحدة جاو الدراري يتغداو و خلاو امين حاضي الحانوت حتا يرجعو هوما و يجي هوا داكشي اللي دارو كملو و مشاو جمعت الطبلة و دخلت نغسل الماعن مع حسيت بالحاجة طلعات للسطح مسحت يدي فالتزارة و هبطت كنجري سديت الباب باش ملي يجي يلقاه مسدود و نحل ليه انا ههههه مكاملاش خمسة الدقائق سمعت الدقان رخفت البانظا و طرشت حناكي باش نبان سانك سانك هبطت و حليت ليه امين : السلام عليكم انا : امين بغيت نهدر معاك. تم غادي متسوقش ليا انا ف نفسي : و الله لكانت ليك انا غنحد ليك هاد العياقة. زربت فالخطاوي و عنقتو من الوراء هههه مسكين تصدم و تبلوكا متحركش انا : امين سمح ليا والله مكنت قاصدا امين : علاش غنسمح ليك. و هو يضور عندي شاف ليا ف عيني عينيه دوبوني خلطو ليا الاحاسيس حسيت بالظلم و الحكرة و الفراغ و الشوق و الحنين مقديتش نحبس البكية و طلقت العنان لراسي درت يدي على وجهي الللللللللله على احساس امين عنقني ااااه عنقني ظلوعي غيلسقو و كيبوس ليا راسي حتى انا ضربتها ليه بتعنيقة فاعلة تاركة كنشم ليه فصدرو الللللللللللللله شحال ريحت الجوانات مخلطة مع الريحة ديال الدراري زوينة كنشم فيه و نعاود امين : صافي مكاين لاش تبكي انا اصلا منتقلقش منك مسحي هاد الدموع و طلقيني را التزارة فازكة بالماء فزكاتني انا : ههه واخا سمح ليا امين : فيناهيا الواليدة انا : فالصطح امين : فيا الجوع انا غنعيط ليها

امين : فيا الجوع انا غنعيط ليها تحط ليا ناكل انا : لا بلاما تعدبها انا غنحط ليك امين : واخا اللي بغيتي المهم انا طالع نبوس ليها راسها. طلع و انا مشيت الكوزينة و كنقز بالفرحة بحال اللقطة ديال بطلة البرتقالة المرة قبل متحماق مسكينة غي هي كتنقز فوق الناموسية و انا فالكوزينة قلبي كيضرب فالمائة بالفرحة كنوجد ليه و كنغني واهيا المشرمل و تشرمل بشوية لالالا ههههه وجدت ليه و حطيت ليه يتغدا هبط و بدا الماكلة هو كياكل و نا حاضياه هز راسو شاف فيا و عاود حناه و هو كيضحك وييييلي عقت براسي عيقت انا : امين ( كنلحن ف صوتي ) غنمشي للدار الى سولات خالتي قولها ليها و خلي معاك الباب محلول امين : علاش غاديا جلسي مع الوالدة مالكي انا : لا خاصني نجيب الكينا ديال السكر ثلاث ايام مشربتهاش امين : واخا وتهلاي فراسك انا : حتى نتا. ههههه تميت هابطا كنتعوج و نقول متعوجت واهيا المشرمل و تشرملى يتبع

الجزء الحادي عشر : مشيت للدار شربت دوايا و تمغطت فوق واحد السداري و بديت ندور عيني فالدار تفكرت والديا و خوتي حتى كنت غنبكي وانا نعل الشيطان نضت نتوضى نصلي شي ركعات ينفعوني غدا عند الله داكشي اللي درت صليت و قريت القرآن بنية الرحمة لأسرتي....... دازت الايام و حياتي عاديا طورات علاقتي مع امين ولا بيناتنا سلام و كلام ولكن امين كان طامع فأكثر مع المدة تبدل ولا كيتعامل معايا بحالا مالكني كيضور فيا و ينهض فيا ولا باغي يتحكم فيا ولا كيبان الوجه الشرير اللي كان مخبيه مبقاش عاجبني الحال قلت لخالتي الحاجة مغنبقاش نبات عندها تقلقات مني بزاف قنعتها بانني غنكون لباس و حتا واحد ميقدر يقرب ليا ولا لدارنا و حس ولادها الرجال داير ليا الهيبة وافقات مسكينة و باينا ف قلبها الحزن لكن هذا هو الواقع هاديك ماشي داري و معمرها غتكون داري..... طاح عليا الظلام و انا ف دارنا شعلت التلفازة و شديت واحد الفيلم شوية كنسمع الدقان هبطت حليت لقيتو امين منكدبش عليكم معرفتش علاش جاني الاحساس ديال الخوف واش حيت انا بحدي اولا حيت ولا كيتعامل معايا بعنف امين : الواليدة صيفطات ليك العشاء شديتو من عندو قلت انا : شكرا بسلامة بغيت نسد الباب عرض رجليه امين : مال دين مك وليتي كديري هاد الفعايل انا : ااااااااا مالي شنو درت ليك امين : علاش مبقيتيش باغا تسكني معانا انا : انا مكنتش ساكنة معاكم كنت غي كنبات امين : نتيا عرفتك لاش باغا توصلي باغا تحمقيني والله لاكانت ليك )عرفت الطرح سخن وليت غي تنبرد ( انا : اش كتقصد انا مبغيت نوصل لحتا حاجا امين : علاش ميكتي عليا و كتهربي مني من بعد مكنتي باغا طيحيني ف مصيدتك شوفي نجيك من اللخر دبا باغا تسكني بحدك واخا مكاين مشكل ولكن هداك الخروج والوقوف مع الدراري دربي عليه مكاينش هدا خويا هذا بحال خويا الى حصلتك عولي على سلخة و داك اللباس لباقي لبستيه نقطعو ليك فوق ضهرك و داك الماكياج غا نسايه انا مصدومة بقيت غي ساكتا تم غادي و هو يدور امين : اه نسيت اخر مرة نلقاك طالقا داك الشعر جمعيه بحال لالياتك. مشى فحالو و خلاني مصدومة اويييييلي حي آش درت لراسي اااااااااناااا اللي تحككت عليه السيد كان عاطيني التيساع ولكن والله حتى نتاقم منو على داك الكلمة ديال لالياتي دابا ولاو كيبانو ليه لالياتي واخا اسسي امين حنا غنشوفو شكون اللي غيهز الراية البيضاء واش انا ولا نتا الى مخليتكش تبكي عليا

الجزء الثاني عشر : الى مخليتكش تبكي عليا قدام الرجال منتسماش راه قاااالها عادل الميلودي فداك الديسك ديالو ) هبلاتو حمقاتو يا خلاتو مسكين عليها يسال وضراتو على حياتو يا خلاتو يبكي قدام الرجال ) هههه فقت ناويا على خزيت غي فقت مشيت الحمام دزت عند الكوافورا صبغات ليا شعري بالكحل صبغات ليا الحجبان بالكحل باااااارد دربت واد البيجاما كحلة فيها نونوسات مسكيين بكثرت ملاصقا عليا وليت مقاداش نتنفس ههههه دزت المحلابا فطرت و مشيت للدار صبغت ظفاري بالكحل و درت ماسكارا صراحا ماشي ماسكارا راه درت الزفت ههههه درت شي ثلاث كوشات بانو شفاري واعرين و العينين بانو قد البقرة ههههه اكتفيف بالماسكارا فقط جيت لوووووووزة الللله يحجبني دوزت النهار مع الحاجة فالدار المتوحش ديال امين مجاش اممممممممم ولا كيلعب معايا اوووكي ظلام الحال و مشيت للدار هزيت بزطام كبير درت فيه البورطابل وخرجت بهاديك البيجامة مشيت للشاريع اللي حدانا شريت واحد التوني و بيجامة لااااسقا و شي سليبات ديال الصبع هههه يعني سترينك و سوتياماتهم هزيتهم فالميكة و جايا مع الطريق تلاقيت مع سيمو كان كيقرى معايا جايا و نكيكي معاه نسييييييييت راسي و ترخيت قولها و ضحك عليها حتى وصلنا للتيرة اللي حدانا نتابهت كيبان ليا واحد السيد من البعد بحال امين صقلت ناري ميمتي هو قلت للدري امين ولد الحاجة جاي الدري طار مسكين انا محاولتش نهرب حيت عارفاه غيشدني وخا نكون بعيدة عليه ب جوج زناقي حطيت الميكا فالأرض و غمضت عيني كنتسنى الدقة منين تجيني حيت عارفا اش درت اه بالصح انا كنت ناويا ننتقم منو و نفقصو و نبين ليه بان هدرتو بالنسبة ليا زايدا ناقصا ولكن مادرتش بحساب هاد الحصلة عا وقف طلعت ليا الغبرة مع نيفي حيت جاي يجري بحال العود عطاني وااااحد التصرفيقة الدفال طار ليا من فمي شدني من شعري و بدا يركل فيا انا والله محاولت نغوت قتلني نييييت تا ولد الكلبة مفكني منو حيت عارفينو مجهول خبطني للوجه و تحنى عليا امين : والله يااااا اسماء حتى ندبح مك يا طييييييييط يا بنت طييييط اش بينك و بينو انا وليت مونيكة انا انا ماشي راجل باش حسن مني هو باش يالخانزة ... بااااااااااااااااااااش انا : كنبغيك اهئ اهئ امين مسكين تصدم و تصدمت حتى انا حيت خرجتها من فمي ) و تصدمو حتى البنات اللي كيقراو القصة هههه ) امين طلق ليا من شعري لون وجهو تبدل فرمشة عين طار منو داك الشر

فرمشة عين طار منو داك الشر امين : وعلاش مقلتيهاش ليا حتى فرشختك اه انا : اهئ اهئ اهئ. بديت نبكي و نتبوحط عليه انا: بغيت نمشي لدارنا. مقال حتى كلمة وقفني و حتث ليا حوايجي هز الميكات و جرني من يدي كانت الدار قريبة بزاف و التيرة خاويا وصلني حدى لدارنا و حل البزطام ديالي جبد منو الساروت حل و دخل معايا و سد وراه انا شفتو و مقلت حتى كلمة خليتو حيت عجبني الحال انا من النوع اللي حتى كيتفرشخ عاد كيحب اه حبيتو شخص غامض و عنيف و حنين فنفس الوقت هدا هو النوع اللي كيطيحني دخلت للدوش و غسلت كمارتي كنشوف فوجهي فيه غي الحمورية مفيه حتى ضربة تعريت قدام المرايا لحمي كلو خضر ناااااااري ولد الحرام تكرفص عليا ولكن كنحبو جمعت شعري و دوشت ونا فرحااااانة ههههه ايوا الله يستر واكلة لعصى و نغني واهيا المعنف و تعنف بشوية ههههه لويت عليا فوطة بيضاء و خرجت عندو هكاك...... يتبع

ي و زعزعني بهدرتو حرت معرفت شنو نقول وخا البنت فينا كتكون عارفا حبيبها كيبغيها لكن ملي كتسمع منو كلمة تزوجي بيا كتجيها فشكل بقيت ساكتا.... امين : عارفك فاش كتفكري انا : فاش امين : انا مغنبقاش هكا غنتبدل على قبل الواليدة و على قبلك عارف حياتي كتجيك مخربقا لكن من نهار دخلتي لقلبي و انا كنتبدل شوية بشوية مبقيتش كنكمي الحشيش ولكن الكارو مزال مقديت نقطعو لكن حتى هو نقصت منو و الشراب ضربت علييه من نهار دخلت الحبس محطيتو فمي. انا: امين هادشي كامل عارفاه و عارفاك ذخلتي للحبس مظلوم ولكن مبغيتش نتسرعو و في الآخر يوقعو بيناتنا المشاكل امين : شششششش مغيوقع حتى مشكل انا غنسمح فحقي وخا ضلميني و الله منقرب ليك اولى نضربك انا : امين ماشي هكاك ولكن محتاجا شوية الوقت نعرف عليك شحال من حاجا امين : نتزوجو و عيشي معايا فالدار منقيسك موالو حتى تولفيني وتبغيني كيفما كنبغيك انا : و راك عارف والديا و خوتي يالله ماتو منقدرو نديرو لا عرس لا والو امين : صافي منديروهش غي بقاي على خاطرك انا : و حتى الكارو قطعو امين : واخا والله لا بلقي جا ف فمي انا: اجي انا شفت اللي قلتها ليك كتوافق عليها باااااينا فيك شي ديفو و باغي تلسق فيا امين : هههه علما فخباري هاد الهدرا كيقولوها الرجال ماشي العيالات انا : يااااه سبحان الله صدقتي كتعرف تضحك امين : علاش انا ماشي بنادم انا : لا احبي غي هو بعد المرات كتبان ليا معقد هههه... يالله نوض سير فحالك بغيت نعس امين : واخا الاالا ها هو غادي حيت لبقيت غنصدق عاضك و مطير ليك شي لحمة نااااري شحال قتاااالة . عض ف فمو و غمزني انا : هههه حتى نتزوجو و غنوريك المواهب ديالي كيف دايرين احبي والله حتى نحمقك امين : شنو دبا كتجبديني وا سكتي خليني نمشي فحالي انا : واخا احبي هاهيا ساكتا امين : غنمشي دابا نهضر مع الواليدة عليك باش تهضر مع عمامك انا : واخا اللي تشوفو مزيان ديرو امين : واخا يالله تصبحي على خير. باسني من راسي و مشى....... فالصباح فقت بكري غسلت وجهي و بديت كنفطر طاح عليا الضيم حيت ممولفاش ناكل بوحدي تيتمت من الوالدين و الخوت قطعت افكاري الحاجة ب دقانها فالباب عرفتها هيا غي من دقتها ديما كدق بشوية حليت ليها و سلمت عليها دخلات و جلسات معايا فالطبلة كبيت ليها كاس د أتاي الحاجة : بنتي بغيت نهدر معاك فواحد الموضوع. درت راسي مفاهما والو انا : قولي اخالتي

انا : قولي اخالتي الله يسمعنا خير خالتي : اش غنقول ليك ابنتي معرفت منين نبدا..... نتي دايراك ف بلاصة بنتي اللي معطاهاش ليا الله و غنكون اسعد وحدة الى قبلتي بيا نكون ماماك الثانية و تكوني مرات ولدي. انا درت راسي حشمانة يعني موافقة. خالتي : ايوا صافي ابنتي السكوت علامة الرضا انا غنعيط على عمك و نقولها ليه و نتوكلو على الله ولهلا يحاشمنا انا : اللهم امين اخالتي. ههههه نقتل الميت و نمشي ف جنازتو دايرا راسي حشمانة آاااااجي طلي عليا يالحاجة اش درت لولدك لبارح مشات الحاجة و دخلت لبيت ماما معرفتش علاش لكن فلحظة حسيت بالوحشة لوالديا كون كانو عايشين كون تخطبت من عندهم و كون ماما و بابا فرحااااانين بيا حيت غنسكن غي حداهم بقيت شحال ونا كنبكي جاوني افكار خايبين على زواجي من امين لكن سرعان متلاشاو لان قراري بالزواج ف محلو حتالين غنبقى ساكنة بوحدي و حتالين عائلتي غتبقى تصرف عليا وخا نبغي نخدم مكاينش فين نخدم حيت هادي غي عروبية و منقدرش نبعد من دارنا مكنحس بالامان فحتى بلاصة من غير دارنا والناس غتبقى تحل فمها عليا اااه هذا هو الحل زواجي من امين و مغنلقاش احسن منو و من عائلتو. مشات الحاجة و عيطات على عمي الكبير و فاتحاتو فالموضوع اللي بدورو قاليها جملتو الشهيرة الى كانت البنت موافقة حنا مغنزيدوك غير الخير دازت ايام درنا الخطبة سكوتيا ف دارنا حيت كان وصل الصيف والعائلة كلها مجموعة و الحمد لله فينما كانت شي خالتي ولا عمتي جاو هما و بناتهم وولادهم و من كنت فرحانة بيهم و فهاد المدة كلها مكنتش كنشوف امين حتى التيليفون منعتو عليه ههههه مسكين داير ليا خاطري وخا كنت كل نهار كنطل حليه من الشق ديال السرجم ههه بقات سيمانة و نديرو العقد و الطلبة و نمشي لداري الجديدة و نبدا حياة جديدة مع امين و اسرتو الصغيرة بدا التوجاد محتاجيت نشري والو كلشي تكلفو بيه العائلة لهلا يخطيهم عليا خداو ليا تفريشة ديال الصالة و بيت الجلاس حيت الحاجة عطاتني الدار التحتانيا بغاو يشريو ليا الماعن و بيت النعاس لكن الحاجة مخلاتهمش حيت شراهم امين اما عماتي برعوني بالشوميزات و السليبات و السوتيامات ف الالوان و الاشكال و خالاتي مخلاو مفصلو ليا ها التكاشط ها القفاطن مخلونيش نحس بنقص بقات يوماين للعقد عندي واحد بنت خالتي يالله تزوجات بواحد المصوفج سميتها فاطمة معروووفة عليها فالعائلة باغا طييير كلشي كان تيقوليها طاك الطيرا

و منساوش اهم حاجة التفاهم و الإحترام المتبادل من الطرفين سالات ليا فاطمة الدروس و خرجنا مشينا الحمام فركوني البنات سالينا دغيا و مشينا عند الكوافورة ريشاتني دارت ليا لاسيغ لحمي كاااامل نتفت و دارت ليا السوان و تقاديت وصل وقت الماكياج فالاول مبغيتش و لكن فاطمة هههه حلفات تنديرو درت ماكياج خفيف بزااااااف لبست قفطان جوهارا فالأبيض و خليت شعري مطلوق و دارو ليا خيط الروح ملي شفت فالمرايا تفاجأت وخا هادشي بصيط جيت غزالة اللهم بارك طاح عليا واحد السر مكاينش بحالو مشينل للدار بالطونوبيل ديال لوسي ههه مكاين لا لوطو لا رانج غيييي واحد البارتنير يالله شراها درويشة و طحت فالدراوش كيف ما كيقول المثل لبس قدك يواتيك. وصلنا للدار جاو الناس بداو الطلبة كيقراو كلشي مجود كلشي هو هداك شوية جات عندي الطيورية ديال فاطمة هههه. فاطمة : نااااري يختي العريس جا ضارب ليك واااحد الجلابة بيضا و بليغة فالصفر انا : مداير تا ط

ربوش فاطمة : اه داير كاصكيطا هههههه واتي نوضي اش بغا يدير مداير والو انا : اوييلي غيشوهني قدام عمامي بداك التحسينة اللي داير فاطمة : آه و قولي التحسينة ههه متخافيش داير تحسينة عادية ديال الناس اللي بعقلهم انا : حلفي فاطمة : والله العظيم. بصراحة فرحت حيت ولا باغي يتبدل فرحت بزاف. وصل الوقت اللي غندخل عند العريس و العائلة و العدول هبطاتني الحاجة عندهم دخلت سرقت الشوفة ف امين لقيتو كيشوف فيا الللله على حبي المشرمل وشحال جا كيحمق واتاتو الجلابة جلست بين عمي و خالي بداو العدول فالإجرائات سولوني واش قابلا قلت ليهم اه سولو العريس حتى هو وافق عطاونا سنينا ضربني امين بواحد الغمزة ) زعمة راه بقيت حتى وفيت بكلمتي و ديتك هههه) و هي تلقمها فاطمة و الحاجة بواحد التزغريتة طاحو ليا الدموع فهاديك اللحظة حيت مكاين لا والديا لا خوتي حسات بيا الحاجة وجات عنقاتني و بدات تبكي امين حدر راسو و خلاتي و عماتي كان خاصهم غي السبة فالبكاء هههه سكتنا غي واحد خالي كنخافو منو حيت صعيب شوية غوت علينا و ضربنا الطم و قلبوها ضحك حطو العشاء للطلبة و الناس تعشينا و ضحكنا وصلات 12 ديال الليل جا الوقت باش نمشي لدار راجلي غطاو ليا راسي خرجوني عائلتي و عائلة امين و جيراني بالصلاة و السلام على رسول الله دخلت لقيت الدار مفرشا كاملا بفراش جديد دخلوني البنات لبيتي و بقات معايا فاطمة ههه توصي و تعاود شوية دقان فالباب

شوية الدقان فالباب. فاطمة جمعات الوقفة و غمزاتني قالت ليا متخافيش حلات الباب و بان ليا امين واقف و حاني راسو زعما حشمان الله يمسخك دخل و سد الباب حدرت راسي بصراحة كنت خااايفة بزاف. جلس حدايا و شد ليا يدي بجوج بيد وحدة بحنان) هههه وفينك اااااا حنان ( و يد حطها ليا على قلبي كان كيضرب فالمليون هز ليا وجهي امين : اسماء خايفة مني انا : الصمت امين : شوفي متخافيش مني الا نتي اللي منقدرش نآديها مغديش نقيسك حتى تولفيني و تبغي نتي صافي ؟ انا : واخا امين : يالله و آجي عنقيني ولا مبغيتيش. ضرت عندو عنقني بالجهد خلاني نحس معاه بالأمان باسني ف جبتي امبن : جيتي زوينا بحال ديما و اليومة زدتي كثر انا : حتى نتا امين : يالله نوضي بدلي حوايجك و حتا انا نبدل باش نعسو نرتاحو انا : واخا. نضت و خليتو جالس حليت واحد الباليزا و جبدت واحد الصوفيطما كحلا إيكس من اللور حيدت خيط الروح و حاسا بيه متبعني بعينيه ههه عطيتو بالظهر و حيدت جوهارا بقيت غي بالسليب و السوتيامات لونهم شيبي بارد لبست الصوفيطما و ضرت عندو لقيتو مسكين مصدوم هههه انا : مغديش تبدل حوايجك امين : آ اه هانا نايض. ناض بدل حوايجو بقى غي بشورط نااااري على فورما مقالو ولد الحاجة الدكالية حتى دكالية فورمة واعرا طالعا بلا حديد لي زابدو و الكتاف والموليات و داك اللون احح يا ميمتي على العزي قاااللتها خديجة البيضاوية : وااااه وايا الاسمر ويلي ويلي واهيا العمر ويلي ويلي واهيا حبي و عدبتي قلبيييي ههههه. تكيت فوق الناموسية على كرشي جا تكا حدايا و ممحيدش عينو عليا طفا الضوء و عنقني و حتا انا بادلتو العناق امين : كنبغيك والله العظيم انا : حتى انا كنبغيك. قربت ليه لفمو و زعمت عليه بقينا كنتباوسو انا : خلينا نكملو ليلتنا امين و بصدمة : بالصح انا : اه........ تعامل معايا هاديك الليلة احسن معاملة بحالا ماشي هو امين اللي كنعرف تبدل ولا شخص كلو رقة و رومانسية غي فض ليا البكارة و هو يحبس حسيت بالم و قمشتو مسكين باسليا راسي و رجلي الليل كلو منعسناش بقينا فايقين و كنهدرو خلاني عرفت عليه شحال من حاجة مكنتش عارفاها عليه خلاني نعرف امين ديال بالصح الحنين و المظلوم اللي اصحاب السوء و لحبس رضوه وحش امين اللي قلبو بيض امين اللي كيبغيني و كيعشقني و تبدل على ودي ليلة وحدة كانت كافية باش تقلب مشاعري اتجاهو من حب الى عشق....... دازت الأيام و ليت كنحس بدفء عائل

كنحس بدفء عائلي كبير امين و خوتو و الحاجة اللي مخلاونيش نحس بنقص معاهم مفشيني بزاف و حتى انا كنحماق عليهم و مهليا فيهم و مهليا ف امين اللي كل نهار مكرفصاه مسكين هههه بهرتو بطرقي و حركاتي و رغبتي اللا متناهية ههههه البركة ف فاطمة حتى ولا كيقول ليا لا لا نتي  موحال تكوني بنادم هههه كنمثل عليه بلي تقلقت من كلامو و كيحزرني و يقول لا احبيبة غي كنضحك معاك انا باغيك تبقاي هكا و متبدليش هكا تبقاي هههههه واحد النهار ضرباتني الفيقة مع الجوج ديال الليل فيا التقية مع جيت كنتملس حدا راس امين على لينكاصا نشعل الضو ونا نتقيا ليه على وجهو ههههه فاق مخلوع معرف باش تبلى عيط على خالتي اللي مسكينة فاقت فداك الليل سهرو معايا حتا للصباح داوني للطبيبة اللي قالت ليا راك حاملة فرحت بزاف وامين فرحتو كان عالم بيها غي الله. داز عليا الوحم خايب و جاني على امين مسكين اللي صبر معايا و كان كيعتارف ليا ب حبو غي من البعيد حيت غي كيقرب ليا كنشير عليه باللي فيدي كل مرة و فين يبات حبيبي ههه حيت كتجيني ريحتو خايبة اما الحاجة مسكينة وحماتني و دارت ليا اي شهيوة تشهيتها. داز الحمل بسلام ولدت بنية امين دار ليا سبوع كبير و ركبني فالعمارية حيت مدرتش العرس البنية سماتها الحاجة عائشة و رباتها ليا هيا حتى ولات تعيط على الحاجة ماما و انا و امين تعيط لينا امين و اسماء............... النهاية;-)