#تجربتي_مع_الزواج

#تجربتي_مع_الزواج
أنس عمري 28 سنة مطلق او غادي نعاود ليكم على تجريبتي فزواج ... ( حشاكم ) 
انس ولد كازا تزاديت نهار 25 شهر 122 فدرب السلطان كبرت تما مع با سيدي او جداتي او خالتي او خالي حيت هما لي رباوني بحكم انا لي ودوني مشاو او خلاوني صغير معليناش هادا موضوع أخر ...مهم كبرت كنت فصيف كنجي لاكادير حيت جداتي اصلها من سوس كانت كتعجبني ديك المدينة او عمرني كنت كنتوقع انوا هاد المدينة غادي تكون سباب فالمشاكيل لانا فيها دابا ... 
 خديت الباك ديالي فتحت عيني على واقع متوفر ليا كلشي دار موجودة الخدمة وكذالك يعني مقومات زواج ناجح موجودة ، كان عندي صديق واحد سميتوا آمين هههه طلق ولد ال*حبة حتى هوا ( كان واحد الاستاد الله يرحموا ديما كيقول لينا L'amitié ça n'existe jamais ) او عمرني كنت كنتوقع منوا غادي يطعني فضهري كيما طعني الف واحد.. مهم ، ماشي موضوعنا نرجعوا لمعقول ...
 سميتها نور الهدى كنت كبر منها بعام واحد فارق السن عمروا كان فرق ابدا او مشكيل ، تعرفت عليها فكموميستريا كنت غادي انا آمين عند واحد السيد صديق ديالنا تماك ، شفتها كانت كتدخل او تخرج بحال خايفة او لا معرفت مهم مشيت عندها ختي مالك يكما عندك شي مشكيل او عاد مزاد تصدمات قالت ليا راه بغيت نعاود البطاقة الوطنية شديت ليها فيدها تميت قاصد واحد دري صاحبي وقف معها حتى قدات داك النحاس ديلها من بعد شديت نمرة او نمشي بلاش ههههه عمرني تخليت انوا داك نهار بداية المشاكيل معليناش نسيتها حتى لعشية وصلني ميساج سلام انا فلانا شكرا بزاف حيت وقفتي معيا عمرني نسا خيرك جوبتها عادي ماشي مشكيل مهم تعرفنا واش انت بوليسي واش انت خدام تماك قلت ليها بحال هكاك اول درس فحياتك ( عمركْ او عَمَّرْكِ تعطي راس الخيط لاي واحد خلي ديما الغموض ) مهم نهار على نهار بدات علاقتنا فتطور حتى لواحد النهار قالت ليا راه عاودت لماما عليك هههه الدرس رقم 2 ( الا قالت ليك عاودت لماما على علاقتنا انتبه خطر متكرر ... ) معليناش حتى عيطات عليا مها واحد نهار ولدي بغيت نشوفك ضروري قلت انا واش وقع ليها شي حاجة ولكن من بعد تبين ليا انوا اول طرق باش تلسق اي ام بنتها هيا هادي ... ولدي حنا عائلة محافظة او ممنوع بنتي تكون فعلاقة معا شي واحد او الا بغيتي شي حاجة اجي لدارهم حتى هادي فكرة من قبل كنت مني شديت الباك قالت واحد السؤال ( كيفاش غادي نكون من هنا لخمس سنوات ، الجواب كان غير بضحك نخدم نكون اب لأسرة الا أخره ... ) هنا بديت نحقق داكشي عليها خاصك تسولك رايك دبا لي انت كتقرى هادشي كيفاش غادي تكون حياتيمن هنا لخمس سنوات او 10 سنوات او حتى 20 او فكر او حلم او حط كلشي على ورق او وياك تم وياك انك تقول ليا بلادي عمرك تحط أخطائك على ناس أخرين عمل خدم بحت دير اي حاجة غير كن منتج ماشي مستهلك ... 
 جا نهار لي خطبتها او تزوجنا .. خوتي خوتاتي عفاكم نصيحة اساسية فهادشي كامل ( اي كانت حياتك دابا كتبغي بنت او لا انت أختي كتبغي دري او بغيتي او لا بغيتها تكمل حياتها معك اول حاجة الصدق ديما جداتي الله يرحمها كتقول ليا لي كدب عليك مرة واحدة مرة وحدة كنت متأكد غادي يبقى ديما يكدب عليك ديما ديما .. او حاجة مهم قتانع بطرف لبغيتي عاد بغيه . قتانع عاد بغيه ماشي حتى تخدم قلبك عاد تقول ناري فين لحت راسي ... عقلك عاد قلبك . )
 الصراحة الزواج زوين بزاف كيخليك تحس بواحد الاحساس فشكل هههه داز العام الاول نقدر نقول ليكم بخير . حملات او طاح ليها محبسناش او عاود حملات او تزادت عندي بنت سيمتها شوق Chawkk نسبة اننا كنا متشوقين تكون عندنا بنت او ولد من هنا بداو المشاكيل البنت لي كنت كنبغي او بغيت ندير معها بزاف ديال الحوايج تبدلات 180 درجة او انا كمحاولة مني كندير اي حاجة باش نخلي ديك البنت فرحانة لاكن دون جدوى مخليت مدرت كادوا مفاجآت لدرجة اني قلت واش درت شي حاجة بلا منحس ولات حياتنا بحال الحيوانات اكل ، خصام ، علاقة جنسية الا رشقات ليها ، نوم .. مني تحس بلي مرتك او صحبتك او لا صاحبك مبدل فعلاقة الجنسية عرف انوا كاين شي حد فحياتوا ..فجأة البنت بغات ترجع لجامعة ابن زهر أكادير انا رفدت فأول بحكم ان البنت صغير او مزال خاصها رعاية بديت كنشك او بديت كنعرف بزاف او بزاف واحد النهار مرضت بالمشاكل مشيت لواحد الحانة او جلست جات حدايا واحد البنت مكتعرفنيش او بدينا كنهدروا جيتها ديركت عفاك راني مزوج او عندي بنت عفاك الا بغيتي دبري على نهارك ماشي عندي لي فيني كافيني او حاولات تدوي معيا او مني وريتها التصويرة ديلها قالت ليا هادي ديما كنشوفها فواحد الشقة مع واحد الدري خدام فمرجان وايلي واش بصاح مستحيل دير هادشي ... درت كاميرا فدار او وليت كنراقب الهاتف ديالها بحكم عندي الاسرة ديالي خدامين فمجال الامن ولا كيوصلني كل نهار تقرير معامن كتدوي او كلشي نهار غادي تبفي تقلب مورا داك الشخص لي كتبغي اول حاجة او اقل حاجة غادي تعصبك ... 
لي ليقيتوا انها كتخوني معا واحد فداري او فراشي ...
 قسمت ليكم الا فيديو كنشوفوا حتى كرهت الزواج او العلاقات او كلشي حيت عرفت بلي فعلا لا جدوى لا شيء ... 
كل نهار كنسول او كنلوح الهدرة حتى جا شهر 5 سنة 2016 يوم الاتنين عيط ليها نور عفاك راه عندك طوموبيل ... اه هادشي كامل كانت عايشة فواحد مستوى الرفاهية لي لا يتصور لي ساكن فأكادير غادي يعرف حي الشرف ( شارع الجيش الملكي ) شكون فيه او شكون ساكن فيه ولكن الحمد لله ربحنا حاجة وحدة ناس زوينة او محتارمة من كل الجهات 
 كيما قلت ليكم نهار الاتنين قلت ليها سيري جيبي البنت من المدرسة الترجي او سيري لدار ديركت انا عندي إجتماع غادي نتعطل شوية . بين الكلية او الترجي 10 دقايق ديال الطريق يعني وخا يكون الزحام غادي توصل قبل 10 دقايق 19 ديال العشية كتعيط ليا المربية ديلها واش مغاديش تجي لشوق راه هيا لبقات او تصدمت كنعيط لمها او ولوا كنصوني حتى واحد مكيجاوب مشيت جبت بنتي او مشيت لدار على اساس انها فدار ولوا مدخلات حتى 8 ديال ليل ... فين كنتي ا كنت عند ماما او سهيت فهدرة ... عيط لدري لي ديما كيتبعها قال ليا خويا انس غادي نصيفط ليك شي تصاور فواتساب قلت لو وخا قال ليا من 2 او هما فجردة او من بعد مشاو لكلية من بعد مشاو لواحد الشقة او من بعد سناك او الصور غادي تبين ليك كلشي متصوروش معيا النقطة لغادي تخليني نفاجر بمرة خرجت عيط ليها قلت ليها بحرف الواحد نرجع لدار نلقاك فيها غادي نشرب من دمك او كانت لاول مرة غادي نسب او نخصر لهدرة ... 
 طلقتها او تافقنا على انوا شوق تبقا معيا او مني سولتها علاش بكل بساط عمر الحب الاول منقدرش نساه ... 
فرمضان وصلاتني دعوة بلي شوق ماشي بنتي او بلي داك الكلب لي كان معها هو اب ديلها
 خلاصة القول حتى حد ملقاها كيف بغها تبع الحلم ديالك الزواج سنة الحياة تابعك تابعك غير حاول تكون مع الطرف الصحيح ...